San Mateo 4:3 - Dibshon Mengi-kan Ni Pansigshan

³ Jet si Satanas, dimaw ja kowan to so nen Jesus ey, “No agpayson anak toka nen Apo Shiyos, ikowan mo iren ja bato ey manbedin ira ni tinapay.”

San Mateo 4:3 Iomraidhean Croise

San Mateo 14:33

Jet nontan, sota ira too to nodta bangka, nantalimokod ira ja nanshayaw son si‐kato, jet kowan sha son si‐kato ey, “Agpayson si‐kam sota Anak nen Apo Shiyos!”

San Mateo 16:16

Si Simon Pedro, simongbat ja kowan to ey, “Si‐kam sota inpadtora nonta bayag da ey ibetkag ali nen Apo Shiyos ja mengisedakan. Si Apo Shiyos, ẃaray biyag to ingkatod ingka jet si‐kam i Anak to.”

San Mateo 26:63

Nem si Jesus, imeg‐eket. Jet sota kangeto‐an na pari, kowan to ey, “Ipodnom no agpayson si‐kam sota Anak nen Apo Shiyos ja inkari to nonta bayag da ey ibetkag to alin mengisedakan! Si Apo Shiyos, ẃara ni olay ingkatod ingka jet si‐katoy pansangba‐an mo!”

San Mateo 3:17

Jet nontan met laeng, ẃara aliy esel nen Apo Shiyos ja edapod dangit ja kowan to ey, “Si‐kam i Anak ko jet ensemek taka, tan si‐kam i naka pandadsaki.”

San Marcos 1:1

Sota mapteng nga shamag maypangkep son Jesucristo ja Anak nen Apo Shiyos,

San Marcos 3:11

Jet nontan, ẃara ngo iray totoon pingketan ni dimonyo et idi inshemang nonta ira dimonyo si Jesus, ireka mantedimokod shi sango‐an to, ja shaka pan‐ikeljaw ey, “Si‐kam i Anak nen Apo Shiyos!”

San Marcos 5:7

Si Jesus, kowan to ey, “Si‐kam ma dimonyo, ilekjas mo ita too!” Jet sota too, inkedsang toy keljaw to, ja kowan to ey, “Jesus! Si‐kam ma Anak nen Apo Shiyos ja Kangeto‐an! Ngantoy pesing mo ma son si‐kak? Pangaasim, karamak shosa‐en!”

San Lucas 1:35

Kowan nonta anghil ma ey, “Sota Ispirito Santo nen Apo Shiyos i maka‐amta. Sota panakabalin nen Apo Shiyos, ẃara di son si‐kam. Isonga sajay alin nga‐nga, esanto‐an ja enshiy to di panbesolan, jet maykowan ali ey Anak nen Apo Shiyos.

San Lucas 22:70

Jet kowan sha ma ey, “No kasta ngarod, kowan mo ey si‐kam i Anak nen Apo Shiyos?” Simongbat si Jesus ja kowan to ey, “Sota inkowan jo, si‐kato.”

San Lucas 4:3

Jet kowan nen Satanas son si‐kato ey, “No agpayson anak toka nen Apo Shiyos, ikowan mo niya bato ey manbedin ni tinapay.”

San Lucas 4:41

Angken sota ira dimonyon pimeket shi totoo, bimetik ira, ja kaonkaneljaw, ja kowan sha ey, “Si‐kam sota Anak nen Apo Shiyos!” Nem si Jesus, sinelkag to ira tep amtara ey si‐kato sota inkari nen Apo Shiyos nonta bayag da ja inbetkag to di.

San Lucas 4:9

Jet si Satanas, indaw tos Jesus shi Jerusalem, jet to inpa‐tok nodta Timplo, jet kowan to son Jesus ey, “No agpayson anak toka nen Apo Shiyos, pan‐ekas ken medepod jay.

San Juan 1:34

Jet sajay ya naka pan‐ikowan na inon‐an ko, sajay sota Anak nen Apo Shiyos.” Kowan nen Juan.

San Juan 1:49

Jet si Natanael, simongbat ja kowan to ey, “Maistoro, amtak ma ey si‐kam sota Anak nen Apo Shiyos! Si‐kam i Ari ni tood Israel!”

San Juan 20:31

Nem saja insolat kod jay ya dibsho, insolat ko say memati kayo ey si Jesus ket si‐kato sota naypadton mengisedakan ja ibetkag ali nen Apo Shiyos, tan say memati kayo ey si‐kato sota Anak nen Apo Shiyos. Jet say sakey pay ja insolatan ko so niyay, say no memati kayo, meẃad‐an kayo ni biyag ja enshiy to engintegan.

San Juan 9:35

Idi shinemag nen Jesus ey ingkal sha nodta sa‐nopan sota toon istay ekorab, dimaw, ja to simbi jet to inbag‐an ja kowan to ey, “Agpayson kaka memati nonta naypadton Anak ni Too?”

Inpaspasing 9:20

Jet manshoki ma nontan, dimaw shima baley ya sa‐nopan ira ni Hodiyos jet intoro toy maypangkep son Jesus, ey si‐kato ket podnon Anak nen Apo Shiyos.

2 I-Korinto 1:19

Si Jesucristo ja Anak nen Apo Shiyos, aliẃen emanbinaliw i toro to, no diket sota kowan to, si‐kato. Isonga sota naka pan‐itoro, tan sota pan‐itoro nen Silas nen Timoteo, ja maypangkep son Cristo, inges to ngon aliẃen emanbinaliw.

I-Galasia 2:20

Singa eteyak ja inpakidansara‐ak son Cristo shi koros, jet niman, sajay ya biyag ko, aliẃen sota sigod, no diket si Cristo iya ẃara ma son si‐kak. Isonga say emengitoshong ni biyag ko niman, sota naka pemati son Cristo ja Anak nen Apo Shiyos. Si‐katoy ebadeg i semek to son si‐kak, jet si‐katoy mismon etey shi koros say ikaro to sota istay ikarok koma.

1 I-Tisalonika 3:5

Sajay i kabol la inbetkagan ko la son Timoteo son si‐kayo, say amta‐en ko no ngarantoy itsora jo, no makedsang pay laeng i pamatiyo ono enshi. Ta ekak maynemneman, naka manshanag ey baka et ey si Satanas, inadilaw tokejo; nakol ni enshi et day en panbenagan ni obda mi son si‐kayo.

Hodiyos 12:16

Asas jo ta enshi komay ememii ono emekileki son si‐kayo, ono sota toka damsisa i maypangkep son Apo Shiyos. Nemnem jo kari si Isaw nonta bayag da: istay si‐katoy nebeng nga mengitoshay koma ni a‐aki to tep si‐katoy pangodowan; nem dinamsis to sotan, jet insa‐dat to et ngo mowan i kinapangodowan to so nonta orishiyan to ni mekan ja pinsak bengat i kekanan to. Inbiyang ton shagos sota istay ebanol koma son si‐kato. Pantanshaan kayo say eg jo ingesen si Isaw.

Hodiyos 4:14

Jet niman ma, nemnemen tayo koma sota pamatin ineẃat tayo say eki‐det ni olay, ta ẃaray mengi‐kan ni kedsang tayo, ja may‐eshig ey kangeto‐an na pari ni pamati tayo. Si‐kato si Jesus ja Anak nen Apo Shiyos, ja kimayang da shi dangit.

Hodiyos 7:3

Sajay ya ari, enshiy engistoriya ni ameto, ineto, ono poli to. Isonga enshiy ka‐amta‐an ni inkay‐anak to, ono inkatey to. Sajay ya too, pari ni olay ingkatod ingka, ja singa si Jesus ja Anak nen Apo Shiyos.

1 San Juan 3:8

Sota ira ngaaw ni olay i aramid to, ẃara ira son Satanas, ta angken nonta pilmiron timpo ngoreshan, si Satanas, ngaaw ni olay i aramid to. Jet say kabol la dinaẃan ali nen Cristo ja Anak nen Apo Shiyos, say ngawngawen ton emin sota kepengeẃis nen Satanas son si‐katejo ja mandeka ni ngaaw. Isonga tanshaaniyo, ta no may‐a‐shom kayo nodta ngaaw wa aramid nen Satanas, maykontra kayo son Cristo.

Inpa-Amta Nen Jesucristo 2:10

Eg kayo koma metekot nonta digat alin da‐kaman jo. Asas jo, ta si Satanas, kowan to ey peshasen to no kas‐anoy kedsang ni pamatiyo; isonga ibalod toy eshom son si‐kayo shi badoran et pandikat shakejo ni sampolon akew. Nem anosiyo ja angken na metey kayo, ta say sobadit ni ka‐anos jo, i‐aknan takejo ni biyag ja enshiy to engintegan.” ’