San Mateo 4:10 - Dibshon Mengi-kan Ni Pansigshan

¹⁰ Simongbat ngo si Jesus, ja kowan to ey, “Ki‐nan ked jay Satanas! Say kowan ni esel nen Apo Shiyos ja naysolat nonta bayag da, kowan to ey si‐kato bengat i panshedjawan mi tan pansilbi‐an mi.”

San Mateo 4:10 Iomraidhean Croise

San Mateo 16:23

Nem si Jesus ẃiningi to si Pedro jet kowan to ey, “Betawimak si‐kam ma Satanas! Karam tipeshen i mesepol la dag‐en ko. Say nemnem mo, aliẃen sota plano ja nemnem nen Apo Shiyos, no diket sota etoo‐an na nemnem.”

San Marcos 1:13

Jet ẃares Jesus shiman ni epat ta polon akew, jet pineshas nen Satanas ja panbesol. Saja dogad ja kawad‐an nen Jesus nontan, eshakel i atap pa animal, nem nonta kawasha tod man, ẃara iray anghil ja emengajowan son si‐kato.

San Lucas 10:18

Si Jesus, kowan to son si‐kara ey, “Owen, amtak ey si Satanas, sankakemjat i toka ka‐ebak ja singa bagidat alid naykayang.

San Lucas 11:18

Eg mebedin na si Satanas, pebtik to met laeng i kait to, tep amta to ey no dag‐en to iyay, eg onbayag i pansaad to. Kowan jo ey naka pebtik iray dimonyo tep si Bilsibol i emenodtodong son si‐kak?

San Lucas 13:16

Say kowan jo, ngaawak tep inbolos ko iya biin poli nen Abraham ja singa binedod nen Satanas ni sampolo tan ẃalon tawen. Say kowan ko, mesepol la ma‐ekasan, angken akew ni ngilin.” Kowan nen Jesus.

San Lucas 22:3

Si Satanas, sinairo tos Judas Iskariote ja sakey so nonta ira sampolo tan showen apostol nen Jesus.

San Lucas 22:31

Jet ẃaray inkowan to son Pedro ey, “Simon, Simon, iyay i ikowan ko son si‐kam. Si Satanas, ẃaray parang to ey pandikat shakejo, balang kono nem ma‐adilaw kayo, say mansisi‐jan kayon singa tineg‐ap ni emenaap.

San Lucas 4:8

Nem si Jesus simongbat ja kowan to ey, “Enshi, ta say kowan ni esel nen Apo Shiyos ja naysolat nonta bayag da, kowan to ey si‐kato bengat i panshedjawan min totoo tan pansilbi‐an mi.”

San Juan 13:27

Idi enaksheng nga ineẃat nen Judas Iskariote sotan na tinapay, simekep ma si Satanas son si‐kato. Jet si Jesus, kowan to so nen Judas ey, “Kano‐im, dagam ma sota dag‐en mo.”

Inpaspasing 26:18

Ibetkag taka so ni aliẃen Hodiyos say maynemneman ira ja amta‐en sha ey ẃara ired embolinget jet say ontorong ira shi dawag, say maysi‐jan ira nodta toray nen Satanas jet si Apo Shiyos may toshongen sha. Jet no memati ira son si‐kak, mepekawanan may basol sha, tan mayda‐kam ira ja mekiteẃid so nonta ira toon pinidi nen Apo Shiyos ja too to.’ Sajay i inkowan nen Apo Jesus son si‐kak.

Inpaspasing 5:3

Nem si Pedro, kowan to son Ananias ey, “Ananias, apay nga intolok mo ja si Satanas i engitoshay son si‐kam? Nakol ni nan‐o‐owap ka so ni Ispirito Santo nen Apo Shiyos. Isonga intalom i eshom ma dako nonta bo‐day.

1 I-Korinto 5:5

Isonga no mesa‐nop kayo, pantabtabal kayo ey sajay ya too, ibiyang jo ma jet olay to ngo si Satanas son si‐kato. Jet angken manda‐kam ni digat, balang nem mebidin, say sota ispirito to mango, maysedakan ni timpon pengigsheng ali nen Apo Jesus no sipay maysedakan.

1 I-Korinto 7:5

Isonga karejo diẃayan iyay ya mesepol la dag‐en ni san‐aseẃa, malaksig no ẃaray nantolagan jon showa ey eg kayo nin mankadẃa say eg medingding sota pansheẃat jo son Apo Shiyos, ja si‐katoy topogen jo. Nem mesepol la mankadẃa kayo mowan na shagos no mepospos sotan da, ta amtayo met i itsora ni si‐katejon too. Amangan et no eẃisen shakejo nen Satanas ja mandeka ni ngaaw wa aramid.

2 I-Korinto 11:14

Iso gayam ma angken si Satanas, singa anghil ja mismon edapo son Apo Shiyos no sin‐arom, nem emengi‐o‐owap kari.

2 I-Korinto 12:7

Eshakel la pasiyay inpa‐amta nen Apo Shiyos son si‐kak, nem say inpasing to say ekak ikayang shorog i bakdang ko, ẃaray inpalobos ton digat ni bakdang ko ja naka da‐da‐kami, ja singa ẃaray tebek ni olay shiya daman ko. Singa ẃaray toka ibetbetkag ja anghil nen Satanas ja emenekit son si‐kak, say ekak ingato i bakdang ko shorog.

2 I-Korinto 2:11

Sajay i inpasing ko ja emakaẃan say eg eẃisen nen Satanas sota kait tayo, ta amta tayo met i pangkep nen Satanas ja meneshal ni too.

Santiago 4:7

Isonga mesepol la si Apo Shiyos komay pankombaba‐an jo, ja eg kayo onpa‐so. Karejo itolok ja sairo‐en shakejo nen Satanas, say eshawi‐an tokejo.

1 San Pedro 5:9

Nem si Apo Shiyos i ki‐detan jon pati‐en ni olay, eg jo patpati‐en i piyan nen Satanas. Say nemnemen jo, aliẃen si‐kayo bengat i emanda‐kam ni digat, no diket emin ira ja kait tayon emati shi intiron dobong.