San Mateo 3:2 - Dibshon Mengi-kan Ni Pansigshan

² Say kowan to so nonta ira totoo ja dimaw nodtan, kowan to ey, “Baliẃiyo i ngaaw wa ẃared nemnem jo, ta sota pantoshayan nen Apo Shiyos ja naypadto nonta bayag da, shanshani ma.”

San Mateo 3:2 Iomraidhean Croise

San Mateo 10:7

Emin na dawdaẃan jo, ikowan jo son si‐kara ey sota naypadton pantoshayan nen Apo Shiyos, shanshani may timpo to.

San Mateo 11:20

Jet nontan si Jesus, ẃaray inkowan to maypangkep nonta dogad ja dingka‐an to so ira nonta eshakel la milagro, jet inkowan toy basol ni totoo nodtan na dogad, ta eg sha inbebawi i basol sha.

San Mateo 12:41

No timpo alin pengigsheng nen Apo Shiyos no sipay maysedakan, ondayat sota toon i‐Niniba ja intod‐an nen Jonas, jet si‐karay mengikowan ey si‐kayon too niman, kenshat ta meshosa kayo. Tep si‐kara, nanbebawi ira nonta intenengan shay esel nen Apo Shiyos ja inkowan nen Jonas son si‐kara. Nem ikowan ko son si‐kayo ey iyay shiyay niman i engatngato nem say si Jonas jet eg jo pinati.

San Mateo 13:11

Simongbat si Jesus ja kowan to son si‐kara ey, “Si‐kayo nin i naypalobos ja on‐awat so ni maypangkep nonta pantoshayan nen Apo Shiyos, nem si‐kara, enshi nin.

San Mateo 13:24

Wara pay i sakey ya arig ja inkowan to son si‐kara, ja kowan to ey, “Say kay‐eshigan nonta pantoshayan nen Apo Shiyos, inges to iyay. Waray too ja en nanmola shi payew to, jet tima‐nil la poron pagey i inmola to.

San Mateo 13:31

Wara pay i sakey ya arig ja inkowan nen Jesus son si‐kara ja kowan to ey, “Say pantoshayan nen Apo Shiyos, may‐eshig nodta botil ni sakey ya kalasin mola ja ootilik.

San Mateo 13:33

Wara pay i arig ja inkowan nen Jesus son si‐kara ja kowan to ey, “Say pantoshayan nen Apo Shiyos, may‐eshig pay nodta para debag ni tinapay ja inda ni bii, ja to indaok nodta eshakel la arina ingkatod inedinan ton emin.”

San Mateo 13:47

“Say kay‐eshigan pay nonta pantoshayan nen Apo Shiyos, singa sota inpasing ira nonta toon nannigay. Inteknal sha shima baybay sota embanaw wa balshew sha say mengna ira ni eshakel la nigay ya ekalkalasi.

San Mateo 13:52

Jet kowan pay nen Jesus son si‐kara ey, “No kasta, si‐kayon maka‐amta ni sigod ja bilin nen Apo Shiyos, no man‐ashal kayo nonta maypangkep ni pantoshayan nen Apo Shiyos, komplito may amtayo. Jet may‐eshig kayo so nonta toon ẃaray baley to ja amta ton mengosal nonta kompormin shaan tan bado ja naytalo nodtan.”

San Mateo 18:23

Ta say kay‐eshigan ni kaasi nen Apo Shiyos shi pantoshayan to, sajay ya istoriya. Nontan da, ẃaray ari ja piyan ton tabtabalen sota ira baga‐en to maypangkep nonta otang sha son si‐kato say man‐i‐inawatan ira.

San Mateo 20:1

“Iyay mowan i kay‐eshigan ni pantoshayan nen Apo Shiyos. Sota pesing nen Apo Shiyos ja menobalit ni too to, may‐eshig so nonta toon emangardin ja engala ni obrantis to. Sotan na too, bimowas ja en mengenap ni toon dagbo‐an to ja man‐obda nodta gardin to.

San Mateo 22:2

“Say kay‐eshigan mowan nonta pantoshayan nen Apo Shiyos, may‐eshig so nonta ari ja nankastos ni ebadeg nonta inpangesawa nonta anak to.

San Mateo 23:13

“Nem kaasi kayo din mamaistoro ni dinteg, tan si‐kayon Parisiyo! Sinan maronong kayon too! Say keshosa‐an jo, si‐kayoy singa emengipeshit ni kait jon too ja mayda‐kam shi pantoshayan nen Apo Shiyos. Jet angken si‐kayon mismo, eg jo kosto. May‐eshig ey si‐kayoy mengilkeb ni sakepan ni pantoshayan nen Apo Shiyos so nonta ira makapiyan na onsekep koma.

San Mateo 25:1

In‐arig pay nen Jesus i timpon idaw to ali, ja kowan to ey, “Say arig ni pesing nen Apo Shiyos shi pantoshayan to, sajay ya istoriya. Wara konoy sampolon memeshikit ja engita‐jon ni kingkira ja sha seskeshen sota dakin mengesawa, say mekidaw ira son si‐kato shi kasal.

San Mateo 25:14

Wara pay i inkowan ton arig say man‐edisto sota ira too to ni eg to pay laeng ali imotok, ja kowan to ey, “Waray sakey ya baknang ja ẃaray daẃan ton nay‐araẃin ili, isonga inpa‐odop to ira di sota baga‐en to jet inpiyal to sota ira kokowa to son si‐kara.

San Mateo 4:17

Jet manshoki ma nontan na timpo, nantoro ma si Jesus, ja kowan to ey, “Baliẃiyo i ngaaw wa ẃared nemnem jo, ta sota naypadton pantoshayan nen Apo Shiyos, shanshani may timpo to.”

San Mateo 4:23

Si Jesus, pinasiyal ton emin i sakop ni Galilia, jet nantoro pay shima sa‐nopan ira nonta Hodiyos nodta dinadaẃan to. Inpaleẃag tod man sota mapteng nga shamag maypangkep ni pantoshayan nen Apo Shiyos. Jet angken sota ira toon ekalkalasiy sakit sha, inpamapteng to ira.

San Mateo 5:10

“Si‐kayon pinedigat ni kait jon too kabol ni dingka‐an jo so nonta ka‐aporbali nen Apo Shiyos, bindisiyonan shakejo nen Apo Shiyos, ta mayda‐kam kayo shi pantoshayan to.

San Mateo 5:3

“Si‐kayon maka‐amta ey ebadeg i kasapolan jo son Apo Shiyos, bindisiyonan shakejo nen Apo Shiyos, tep mayda‐kam kayod pantoshayan to.

San Mateo 6:10

“ ‘Sota pantoshayan mo, pasebim koma ali, jet sota piyan mo, si‐katoy medeka shiya dobong, ja inges to ngod dangit.

San Mateo 6:33

“Nem say epateg jen mesepol la nemnemen jo, sota pantoshayan nen Apo Shiyos, tan sota mapteng ja piyan ton dag‐en jo. Jet no sajay i pesing jo, emin na banag ja kasapolan jo, i‐akan to.

San Marcos 1:15

Jet kowan to ey, “Niman sota naypadton timpo! Shanshani ma sota naypadton pantoshayan nen Apo Shiyos! Isonga baliẃiyo sota ngaaw wa ẃared nemnem jo jet patiyo iya mapteng nga shamag ja naka pan‐itoro!”

San Marcos 1:4

Siya, shima dogad ja nay‐araẃi shi kad‐an ni totoo i nantoro‐an nen Juan ja para bonjag. Say intoro to so ni totoo nontan, kowan to ey, “Mesepol la manbebawi kayo pangkep ni basbasol jo, asan kayoka manpabonjag, say pekawanan nen Apo Shiyos i basol jo!”

San Marcos 6:12

Jet sota ira too to, dimaw ira et nantoro ira nodta emin na dinadaẃan sha, ja inkowan sha so ni totoo ey manbebawi ira maypangkep ni basol sha.

San Lucas 1:16

Eshakel aliy tood Israel ja pan‐odi ton memati son Apo Shiyos.

San Lucas 11:20

Nankamali kayo. Si Apo Shiyos i kaontolong son si‐kak ja pebtik so ira ni dimonyo. Jet sotan i amta‐an jo so ey say pantoshayan nen Apo Shiyos, ẃara ma son si‐kayo.

San Lucas 13:3

Nem say ikowan ko son si‐kayo, enshi. Jet angken si‐kayo, no eg jo ibebawiy basol jo, metey kayon emin ja inges toy inkatey sha.

San Lucas 13:5

Enshi. Jet say ikowan ko son si‐kayo, no eg jo ibebawiy basol jo, metey kayon emin ja inges sha.” Kowan nen Jesus.

San Lucas 15:10

Inges niyay i pandadsak nonta ira anghil nen Apo Shiyos no manbebawi i sakey ya toon eshakel i basol to.”

San Lucas 15:7

Say kowan ko son si‐kayo, inges niyay i pandadsak nonta anghil shi dangit no manbebawi i sakey ya toon eshakel i basol to, nem say sota siyam ma polo tan siyam ja maronong, ja eg mesepol la manbebawi.

San Lucas 16:30

Kowan mowan nonta baknang ey, ‘Eg on‐anay, Ama Abraham! Nem no ẃaray manpeẃil la etey et ondaw son si‐kara, mepnek ma ira ja manbebawi.’

San Lucas 21:31

Say olog niyay, no asen jon meshoki‐an na emanketongpal ira ja inkowan ko la, amtayo ma ey shanshani may pantoshayan nen Apo Shiyos.

San Lucas 24:47

Tan say inpadtora pay, kowan sha ey maytosho shi emin na ka‐ili‐ilin sakop niya dobong ey mesepol la manbebawi komay totoo ni basol sha say pekawanan ira nen Apo Shiyos. Inpadtora pay ey say mengitosho, si‐kayon mengi‐edagey son si‐kak, jet ishogi jo konod Jerusalem. Si‐kayoy ondaga so niyay tep mismon inon‐an jo iya epasemak son si‐kak niman na timpo.

San Lucas 6:20

Jet si Jesus, insi‐ning to ira sota too ton eshakel et kowan to ey, “Si‐kayon nankebiteg, bindisiyonan shakejo nen Apo Shiyos, ta mayda‐kam kayod pantoshayan to!

Inpaspasing 11:18

Jet idi intenengan sha iyay, imeket ira ma sota totoon istay bimalaw so ni inpasing nen Pedro, jet say inpasing sha ma, nan‐iyaman ira son Apo Shiyos, ja kowan sha ey, “No kasta, si Apo Shiyos, kinaasi‐an toy toon aliẃen Hodiyos et intolok ton manbebawi ira, say may‐aknan ngo ira ni biyag ja enshiy to engintegan.”

Inpaspasing 17:30

Si Apo Shiyos, pinedabas ton binaybay‐an sota apil la dingdingka ni too nontan, ja eg sha amtay panshedjawan sha. Nem niman, say kowan to, mesepol la emin na too ket manbebawi ira et memati ma ira son si‐kato.

Inpaspasing 2:38

Si Pedro, simongbat ja kowan to ey, “Panbebawi kayo et emin kayo, panpabonjag kayo ja si Jesucristo i toshongen jon pati‐en ni olay, say mepekawanan i basol jo. Jet eẃaten jo sota Ispirito Santo nen Apo Shiyos ja i‐akan to.

Inpaspasing 20:21

Inkowan ko so ni Hodiyos, tan toon aliẃen Hodiyos, ey manbebawi ira ni basol sha et si Apo Shiyos i toshongen sha, tan inkowan ko son si‐kara ey pati‐en sha si Jesucristo, ja Apo tayo.

Inpaspasing 26:20

Say pilmiron nantoro‐an ko, shi Damasko, asan shi Jerusalem, asan ma shima intiron sakop ni Jodia, tan angken shima nay‐araẃin dogad ni aliẃen Hodiyos. Intorok son si‐kara ey manbebawi ira ni basol sha, ja si Apo Shiyos i kemangen sha ja panshedjawan, say ibi‐jag shay aramid shen ngaaw jet mandeka ma ira ni mapteng.

Inpaspasing 3:19

Isonga panbebawi kayo ni ngaaw wa aramid jo, jet si Apo Shiyos i toshongen jo say omasen toy basol jo,

2 I-Korinto 7:10

ta si‐katoy toka osala ja panbebawi so ni too. Kowinta ey sotan, emengi‐kan ni kaysedakan ni totoo, isonga eg kito manbebawi no sotan i itsoren pandeshingit ni too. Nem apil i panpa‐no‐an ni daringit ni tood ja dobong ja eg emati, ta singa toka ira pan‐itorong shi patey ingkatod ingka.

I-Kolosas 1:13

tep istay ya intorayan shakito nen Satanas, nem niman, si Apo Shiyos, si‐katoy engi‐kan son si‐katejo ja itorayan nen Jesucristo ja Anak to. Si Cristo, si‐katoy ensemek nen Ameto,

2 Timoteo 2:25

ja amta to pay ja mekitbal ni mapteng so nonta eg makakoston mengitneng ni toka pan‐ikowan, ta balang nem itolok nen Apo Shiyos ja manbebawi sotan na too ni kasopngil to, jet amta‐en to ma i maypangkep nonta podno.

Hodiyos 6:1

Niman ma, aliẃa komen kito on‐onong nodta kapangdo‐an na emaytosho pangkep ni pamati son Cristo, no diket ishogi tayo ma komen mengashal nonta eda‐med ja toro. Angken eg tayo topogen ja itoro sota inamta‐an tayo da, ey mesepol la manbebawi i totoo, ja memati son Apo Shiyos, ja eg ma ira manshinel nodta mapteng nga aramid sha tep eg onkori sota pandeka ni mapteng nga aramid ja mengilisi son si‐kara shi penosa nen Apo Shiyos.

2 San Pedro 3:9

Isonga sota ira eshom ma too, ekolang i shaka pannemnem, ta say kowan sha, si Apo Jesus ket singa eg to nemnemnemen sota inkari to nontan da. Aliẃen sotan, no diket si Apo Jesus, na‐anos son si‐katejo jet piyan ton i‐aknan i emin na too ni ẃaya sha ja manbebawi, maypangkep nonta basol sha. Ta say ẃara son si‐kato, no mebedin koma, angken sakey so ni tood dobong, enshi son si‐kara i meshosa ingkatod ingka.

Inpa-Amta Nen Jesucristo 2:21

In‐aknan ko iyay ya bii ni timpon panbebawi to, nem eg to koston manbebawi nonta aramid ton edogit.

Inpa-Amta Nen Jesucristo 2:5

Isonga niman, nemnem jo sota mapteng nga kasesaad jo nontan et panbebawi kayo ma niman say may‐odi. Daga jo met laeng sota dingkayo nonta pilmiro. Nem no eg kayo manbebawi, ondawak alin shagos et a‐kalen ko sota inkaybilang jo shita Ipiso ey too takejo.