San Mateo 3:12 - Dibshon Mengi-kan Ni Pansigshan

¹² Jet si Juan, in‐arigan to ira, ja kowan to ey, “Sotan aliy may‐eshig ey mengita‐nil ni bekas shi taap. Sota bekas, isingpet tod tado‐an, nem sota taap, ipool tod apoy ya emanshedang ni olay ja eg ma‐ma‐shep.”

San Mateo 3:12 Iomraidhean Croise

San Mateo 13:30

Isonga bay‐iyo nin ingkatod onsabi sota timpon pan‐eni. Jet ikowan ko so nonta man‐eni ey idasin sha nin sotan na edet ja bedbeshan shen para maypool. Nem sota pagey, sa‐nopen sha et italo sha shima sarosal ko.’ ” Sajay i in‐arig nen Jesus nonta pantoshayan nen Apo Shiyos.

San Mateo 13:41

Si‐kak sota inpadtora nonta bayag da ey Anak ni Too, jet ibetkag ko ali sota anghil ko jet si‐karay mengkal ira nonta toon emengi‐kan ni panbesolan ni kait sha, tan angken pay sota ira ngaaw i aramid sha, say eg ira mayda‐kam nodta pantoshayan ko.

San Mateo 13:42

Jet say pesing ira nonta anghil, iteknal sha ira shima apoy ya empetang nga pasiya. Shiman, mannengnengis i totood man, tan panngedetnget shay sangi sha ni digat sha.

San Mateo 13:43

Jet sotan alin timpo, sota ira too nen Apo Shiyos, singa sekit iren menenili shima pantoshayan nen Apo Shiyos ja Amesha. Niman i ẃaray ẃaya jon mengitneng niyay ya naka pan‐ikowan, isonga singpet jon itenengan.

San Lucas 3:16

Nem say kowan nen Juan son si‐kara, kowan to ey, “Nem si‐kak, dimawak ali ja shanom i inpamonjag ko son si‐kayo. Nem ẃaray ondaw alin maysa‐dat son si‐kak ja ebadbadeg i panakabalin to nem say si‐kak. Jet ekak pay maykeshi ja angken baga‐en to koma ja mengkal ni sapatos to. Jet sotan aliy onbonjag son si‐kayo ni Ispirito Santo nen Apo Shiyos, asan pay ya apoy.”

San Lucas 3:17

Jet si Juan, in‐arigan to ira ja kowan to ey, “Sotan aliy may‐eshig ey mengisi‐jan ni bekas shi taap. Sota bekas, isingpet tod tado‐an, nem sota taap, ipool tod apoy ya emanshedang ni olay ja eg ma‐ma‐shep.”

San Juan 15:2

Jet no sotan na mola ket ẃaray pangeto ja eg ondames, a‐kalen to sotan na panga. Nem sota panga ja mandemes, shedosan to, say mas ondames pay.