San Mateo 3:10 - Dibshon Mengi-kan Ni Pansigshan

¹⁰ Jet niman, ẃaray naysagana ja may‐eshig ey ẃasay ja mayẃa‐tek nodta damot ni kakadasan na eg ondames ni mapteng. Sajay iren kakadasan, mebetang et maypool shi apoy.”

San Mateo 3:10 Iomraidhean Croise

San Mateo 21:19

Jet nodta toka pan‐ekari, ẃaray inon‐an ton kadasan nodta kilig ni kalsara. To inon‐an tep namnama to ey ẃaray dames to, nem enshi gayam i dames to; bolong to bengat i ẃara. Jet si Jesus kowan to ey, “Si‐kam ma kadasan, eg ka ma ondames, manipod niman ingkatod ingka!” Jet nontan met laeng, sota kadasan, nakkit ta shagos.

San Mateo 7:19

Jet emin na molen eg ondames ni mapteng, mebetang ira jay jet maypool shi apoy.

San Lucas 23:31

Ta no medeka iyay shi embasen kiyew, ngantoy pesingan sha so ni emag‐an? No sajay i dag‐en sha son si‐kak ka enshiy basol to, ngaranto emo ali ngoy mepesamak son si‐kayo tan sota ira annak jo?” Kowan nen Jesus.

San Lucas 3:9

Jet niman, ẃaray naysagana ja may‐eshig ey mayẃa‐tek shi damot ni kadasan ja eg ondames ni mapteng. Emin ira jay, mebetang et maypool shi apoy.” Sajay i kowan nen Juan so ni totoon dimaw son si‐kato.

San Juan 15:2

Jet no sotan na mola ket ẃaray pangeto ja eg ondames, a‐kalen to sotan na panga. Nem sota panga ja mandemes, shedosan to, say mas ondames pay.

San Juan 15:6

Isonga sota eg on‐onong ja memati son si‐kak, may‐ibong ja singa inges to sota panga ja epotol nodta makapanga so. Jet sotan na panga, mekkit; jet olnongen shen maypool shi apoy.

Hodiyos 12:25

Asas jo ta baka ibiyang jo si Apo Shiyos, ja kowan jo ey eg jo isikal i bilin to, ja inges toy inpasing ni too nonta bayag shi shontog ni Sinai. Jet no sotan ira ket shinosa nen Apo Shiyos ni inbiyang sha so nonta bilin ja inkowan tod dobong, sigoradon eg tayo ngo disi‐an i shosa to no ibiyang tayo sota esel ton edapo alid dangit.