San Mateo 27:3 - Dibshon Mengi-kan Ni Pansigshan

³ Jet idi inamta‐an nen Judas Iskariote ey pebonora gayam si Jesus, emanbebawi ta naydaw‐an na pasiya, isonga to in‐oli sota pilak ka tedon polon palata so nonta ira toray ni Hodiyos,

San Mateo 27:3 Iomraidhean Croise

San Juan 13:2

Jet si Satanas, inpannemnem tos Judas Iskariote ja anak nen Simon, ey to ibaag si Jesus so nonta makakontra son si‐kato. Nem si Jesus, amta to ey in‐akan nen Ameton emin i panakabalin son si‐kato. Tan amta to ey say edapo‐an to shorog ket si Apo Shiyos, jet si Apo Shiyos met laeng i odi‐an to. Isonga nonta mama‐shem ja nandilikob ira sota apostol ton emengan, pati si‐kato,

San Juan 13:27

Idi enaksheng nga ineẃat nen Judas Iskariote sotan na tinapay, simekep ma si Satanas son si‐kato. Jet si Jesus, kowan to so nen Judas ey, “Kano‐im, dagam ma sota dag‐en mo.”

San Juan 18:3

Jet si Judas Iskariote, en engolop ni eshakel la solsharo tan kowadja ni Timplo, ja inbetkag ira nonta apo ni papashi tan sota ira Parisiyo, jet dimaw ira shima gardin ja kawad‐an nen Jesus. Sajay iren totoo, nansilew ira di, tan nanpan‐almas ira.

Inpaspasing 1:18

“Nem si Judas, nanbono, na‐kas et pimetnak i ekes to, jet bimo‐day ya emin i sosot to. Sota pilak ka inda to ni inbaag to so nen Jesus, intongkal sha ni bo‐day.

2 I-Korinto 7:10

ta si‐katoy toka osala ja panbebawi so ni too. Kowinta ey sotan, emengi‐kan ni kaysedakan ni totoo, isonga eg kito manbebawi no sotan i itsoren pandeshingit ni too. Nem apil i panpa‐no‐an ni daringit ni tood ja dobong ja eg emati, ta singa toka ira pan‐itorong shi patey ingkatod ingka.