San Mateo 26:4 - Dibshon Mengi-kan Ni Pansigshan

⁴ Jet nantatabal ira no ngantoy pesing shen memono son Jesus, jet ninemnem sha ey olboren sha kono say ma‐shel et mebono.

San Mateo 26:4 Iomraidhean Croise

San Mateo 12:14

Nem sota ira Parisiyo, bimo‐day ira jet nantatabal ira no ngarantoy pesing shen memono son Jesus.

San Mateo 23:33

Si‐kayo, singa oleg i ogadiyo! Isonga eg mebedin na disi‐an jon meshosa shi impiyarno!

San Marcos 14:1

Showen akew pay et onsabi sota piyasta ni Hodiyos ja kowan sha ey Paskowa, tan sota piyasten pengan sha ni tinapay ja enshiy daok ton para debag. Jet nontan, nantatabtabal ira sota apo ni papashi ni Hodiyos tan mamaistoro ni dinteg no ngantoy pesing shen memono son Jesus, jet ninemnem sha ey olboren sha kono say ma‐shel et mebono.

San Juan 11:53

Jet nontan ma, ẃaray plano iren ja esa‐nop ey bono‐en sha si Jesus.

Inpaspasing 13:10

Jet kowan nen Pablo son si‐kato ey, “Si‐kam, anak toka nen Satanas! Si‐kam i makakontra ni emin na mapteng nga banag ja panmaptengan ni too! Wara son si‐kam ma emin i itsora ni pengi‐owap, tan ngaaw wa aramid. Isalsheng moy moka pemediktad ni podno ja maypangkep son Apo!

Inpaspasing 7:19

Jet say inpasing to, sinaol to ira ja appo tayo da. Nga‐ngaaw i inpasing to son si‐kara, ja pinidit to ira ja mengi‐ibong ni annak sha say metey ya emin ira sota kenga‐nga‐nga.

2 I-Korinto 11:3

Nem naka manshanag ta baka manbediw i nemnem jo, ja eg jo mala nemnemnemen sota koston joka pansilbi so nen Cristo. Baka may‐owapan kayo, ja inges to sota in‐olbod so ni oleg so nen Eva, nonta bayag da, jet nay‐owapan noman.