San Mateo 26:3 - Dibshon Mengi-kan Ni Pansigshan

³ Jet nontan met laeng nga akew, sota ira apo ni papashi, tan sota ira pangolo ni Hodiyos, esa‐nop ira shima ebadeg ga baley nonta kangeto‐an na pari, ja si Kaypas.

San Mateo 26:3 Iomraidhean Croise

San Mateo 26:69

Nontan met laeng, emantetongaw si Pedro nodta bo‐dayan ni baley nonta kangeto‐an na pari, jet ẃaray biin baga‐en nonta kangeto‐an na pari ja dimaw ali son Pedro, jet kowan to ey, “Angken si‐kam met, eki‐od‐odop ka son Jesus ja i‐Galilia.”

San Mateo 27:27

Sota ngo ira solsharo nen gobinarol, indara si Jesus jet indaw sha shima mismon baley nen gobinarol. Inolnong shen emin sota kait shen solsharo jet dini‐mot shes Jesus.

San Marcos 14:54

Jet si Pedro, tinned to ira nem bimetaw. Intoled to pay ya ekiskep nodta bo‐dayan ni kangeto‐an na pari. Ekitongaw so nonta ira kowadja jet ekirangshang pay son si‐kara.

San Marcos 14:66

Wara ngo pay laeng si Pedro shima bo‐dayan ni baley, jet dimaw aliy sakey ya biin baga‐en ni kangeto‐an na pari,

San Marcos 15:16

Sota ngo ira solsharo, indaw shes Jesus shima mismon baley nonta gobinarol, jet inolnong shen emin sota kait shen solsharo.

San Lucas 22:55

Waray emenangshang nodta bo‐dayan, jet nay‐eshom ngos Pedro.

San Juan 11:57

Nontan, sota ira apo ni papashi, tan sota ira Parisiyo, inkowan sha so nonta ira totoo ey no sipa son si‐kara i maka‐amta ni kawad‐an nen Jesus, ikowan sha son si‐kara say sha a‐shelen.

San Juan 18:24

Idi naksheng nga binistigal sha si Jesus, inpaitolod nen Anas si Jesus so nen Kaipas ja kangeto‐an na pari nontan na tawen. Jet inpa‐onong to sota balod shi takday nen Jesus.

San Juan 18:28

Nonta palbangon ma, indara si Jesus shima baley nen Kaipas, jet indaw sha so nen Gobinarol Pilato shima baley to. Nem sota ira Hodiyos, eg ira simekep shima naydaem ni baley, ta say ninemnem sha, kowan sha ey say eg ira seskigen ni kait shen Hodiyos, ta no onsekep i Hodiyos shi baley ni aliẃen Hodiyos, maypeshit may pekipengan sha nonta naysagana ja mekan no timpo ni piyasta ni Paskowa.