San Mateo 26:16 - Dibshon Mengi-kan Ni Pansigshan

¹⁶ Jet nontan ma, ẃara ni olay shi nemnem nen Judas Iskariote no toway pesing ton mengibaag so nen Jesus son si‐kara.

San Mateo 26:16 Iomraidhean Croise

San Mateo 26:15

jet kowan to son si‐kara ey, “Ngarantoy i‐akan jo son si‐kak no itorok son si‐kayo i kad‐an nen Jesus?” Jet binayshan sha ni tedon polon palata.

San Mateo 26:17

Idi shimanon sota pilmiron akew ni piyasta, ja shaka pengan nonta tinapay ya enshiy daok ton para debag, dimaw ira di sota apostol nen Jesus son si‐kato, jet kowan sha ey, “Toway piyan mon mi pansekana‐an ni penganan mo nem ma‐shem, tep Paskowa ma?”

San Marcos 14:11

Idi intenengan sha iya kowan nen Judas, ireka man‐imdeng, jet inkari sha ey i‐aknan sha ni pilak. Jet nontan ma, ẃara ni olay shi nemnem nen Judas no toway pesing ton mengibaag so nen Jesus son si‐kara.

San Lucas 22:6

Jet si Judas, ekitodag ey itoro to son si‐karay kad‐an nen Jesus nem saman na enshiy eshakel la totoo, say enshi komay kolo. Jet manshoki nontan, ẃara ni olay shi nemnem nen Judas Iskariote no toway pesing ton mengibaag so nen Jesus son si‐kara.

Inpaspasing 24:25

Jet si Pablo, intoro to ey say too, mesepol la nemnemen toy panmaptengan ni eshom, tan mesepol la tetngelen to shorog i bakdang to ja eg koma manbesol, asan kowan to pay ey ẃara aliy ma‐onod ja timpo ja onsangon emin i totoo son Apo Shiyos, jet si‐katoy pengigsheng nen Apo Shiyos no sipay maysedakan. Jet si Felix, timakot, jet kowan to ey, “Angken ondaw ka nin; no ẃaray ẃayak, pa‐odop taka mowan.”

1 I-Korinto 16:12

No si Apolos ja agi tayod pamati, inkowan kon pasiya son si‐kato ey may‐odop so nonta mengidaw niyay ya solat ko son si‐kayo. Nem say kowan to, kenshat ta aliẃen niman i timpon idaw tod tan. Asan nem ẃaray ẃaya to kono.