San Mateo 26:13 - Dibshon Mengi-kan Ni Pansigshan

¹³ Jet agpayso iya ikowan ko son si‐kayo. Shiya intiron dobong, no maytosho sota mapteng nga shamag maypangkep son si‐kak, sajay ya dingka niyay ya bii, pekipedawag sha jet eg medibdibkan.” Kowan nen Jesus.

San Mateo 26:13 Iomraidhean Croise

San Mateo 24:14

“Jet sota mapteng nga shamag maypangkep ni pantoshayan nen Apo Shiyos, maypedawag nin shi intiron dobong, say amta‐an ni emin na tood ja ka‐ili‐ili, asan kesabi may pantepos ni dobong.

San Mateo 28:19

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.

San Marcos 13:10

Jet sota mapteng nga shamag maypangkep ni pantoshayan nen Apo Shiyos, maypedawag shi emin na ka‐ili‐ili asan kesabi may pantepos ni dobong.

San Marcos 14:9

Jet agpayso iya ikowan ko son si‐kayo. Shiya intiron dobong, no maytosho sota mapteng nga shamag maypangkep son si‐kak, sajay ya dingka niyay ya bii, pekipedawag sha jet eg medibdibkan.” Kowan nen Jesus.

San Marcos 16:15

Jet kowan to pay son si‐kara ey, “Daw kayo shi emin na sakop niya dobong jet jo ikowan so ni emin na totoo i mapteng nga shamag maypangkep son si‐kak.

San Lucas 24:47

Tan say inpadtora pay, kowan sha ey maytosho shi emin na ka‐ili‐ilin sakop niya dobong ey mesepol la manbebawi komay totoo ni basol sha say pekawanan ira nen Apo Shiyos. Inpadtora pay ey say mengitosho, si‐kayon mengi‐edagey son si‐kak, jet ishogi jo konod Jerusalem. Si‐kayoy ondaga so niyay tep mismon inon‐an jo iya epasemak son si‐kak niman na timpo.

Inpaspasing 10:4

Si Cornelio, mimorag ni takot to so nonta anghil, ja kowan to ey, “Apo, ngantoy ikowan mo son si‐kak?” Jet sota anghil, simongbat ja kowan to ey, “Si Apo Shiyos, intenengan toy shawat mo, tan amta toy mapteng nga tolong mo so nonta ira maligdigat. Isonga ninemnem toka.

I-Roma 10:18

Jet say kowan ko, sigod ja intenengan sha met; isonga enshiy pangbal sha ni eg sha pemati‐an so. Ta say kowan nonta naysolat nonta bayag da, kowan to ey, “Angken towen dogad, ẃaray engitneng ni inkowan sha, jet nayẃaris sotan shi intiron dobong.”

I-Roma 15:19

Inon‐an sha sota milagron dingdingkak, jet sajay, ineẃatan sha ey edapod panakabalin ni Ispirito Santo nen Apo Shiyos. Isonga inekad ko ira jay ya dogad, manshokid Jerusalem ingkatod Ilirikom, jet intorok ka emin shiman sota mapteng nga shamag pangkep so nen Cristo.

2 I-Korinto 10:18

Isonga sota mengisekot shorog ni bakdang to, karejo pati‐en; say koskoston pati‐en jo koma, sota insagot nen Apo Shiyos.

I-Kolosas 1:23

Nem mesepol la itoloy joy pamatiyo, karejo ibi‐jag; mesepol la edagshay pamatiyo. Jet mesepol pay ya eg jo itolok ka maysi‐jan nodta esel nen Apo Shiyos ja naytoro son si‐kayo, ta sajay i kawad‐an ni namnama jo. Jet sajay ya esel nen Apo Shiyos, naykowan da shi emin na sakop ni dobong, jet si‐kak i sakey ja kaontolong ja mengikowan so.

I-Kolosas 1:6

Jet sota esel nen Apo Shiyos pangkep so nen Jesucristo, ja simabi son si‐kayo, si‐katoy emankaiweshis shi emin na dogad shiya dobong. Jet ẃaray nanbanagan to ni olay, ja inges to son si‐kayo, manshoki nonta pilmiron akew wa inamta‐an jo ey sota podnon kaasi, medepo son Apo Shiyos.

1 Timoteo 2:6

Si Cristo Jesus, si‐katoy engi‐kan shorog ni bakdang ton etey shi koros ja engikesho ni basol tayo, say may‐a‐sop kito son Apo Shiyos, ja istay naysi‐jan son si‐kato. Sajay i inpasing nen Cristo ni koston timpo ja inkowan nen Apo Shiyos et si‐katoy ka‐amta‐an to ey ensemek shakito nen Apo Shiyos.

Hodiyos 6:10

Waray namnama mi son si‐kayo, ta sigoradon si Apo Shiyos i ẃara son si‐kayo. Si Apo Shiyos, sota koskosto i toka pesing jet amta to sota maypangkep ni mapteng nga dingkayo ni intolong jo so ira nonta kait jon emati, pangkep ni semek jo son si‐kato. Sajay met laeng i joka dagdag‐a ingkato niman.

Inpa-Amta Nen Jesucristo 14:6

Jet ẃaray inon‐an kon sakey mowan na anghil ja emantedjab shima kawa ni naykayang, ja en mengikowan ni mapteng nga shamag so ni emin na tood dobong, say amta‐en ni emin na toon ẃared ja ka‐ili‐ili, ja ekalkalasiy esel sha. Sajay ya shamag ja to ikowan, sajay sota sigod ja shamag ja ẃara ni olay ingkatod ingka.