San Mateo 24:5 - Dibshon Mengi-kan Ni Pansigshan

⁵ ta eshakel aliy toon mengosal ni ngaran ko, ja ikowan sha ey si‐kara si Cristo, jet eshakel noman i toon may‐owapan.

San Mateo 24:5 Iomraidhean Croise

San Mateo 24:11

Wara pay iray ondaw ali ja kowan sha ey para padto ira nen Apo Shiyos, nem o‐owap kariy toro sha, jet eshakel noman i on‐onod son si‐kara ja may‐owapan.

San Mateo 24:24

Ta eshakel aliy toon kowan sha ey si‐kara si Cristo, ono kowan sha ey si‐karay para padto nen Apo Shiyos, jet eshakel i dag‐en shen kaskasshaaw wa aramid ono milagro. Jet no mebedin, kowan sha pay ey i‐owapan sha ira sota too nen Apo Shiyos ja pinidi to.

San Juan 5:43

Si‐kak, dimawak alid jay ya in‐aknan nen Amak ni kanebengan ko, nem eg jowak ineẃat. Nem amtak ka no ẃara et ngo mowan i ondaw ali son si‐kayo, ja ka‐ẃay ton enshiy en engibetkag son si‐kato, si‐kato et ngo mowan i eẃaten jo.

San Juan 8:24

Isonga binanshaanan takejo nonta pilmiro ja kowan ko ey metey kayo ey eg epakaẃanan i basol jo. Ampet memati kayo ey si‐kak sota naypadton mengisedakan ja ibetkag ali nen Apo Shiyos, asan mapakaẃani i basol jo.”

San Juan 8:28

Isonga si Jesus, ẃara pay i inkowan to son si‐kara, ja kowan to ey, “No onsabi sota timpo ja ikayang jo sota Anak ni Too ja idansa, amta‐an jo ma ey si‐kak sota naypadton mengisedakan ja ibetkag ali nen Apo Shiyos. Tan amta‐an jo pay ey emin na maramen naka pan‐ikowan niman ket aliẃen na edapod nemnem ko, no diket sotan i inkowan nen Amak son si‐kak.

1 San Juan 2:18

Si‐kayon annak ko, entikey may timpo! Intenengan jo ey ẃara nin ali sota sakey ya sinan Cristo ja kontra to kariy obda nen Cristo, jet niman, eshakel ira ma shiya dobong. Isonga sajay i amta‐an tayo so ey shanshani may tapos ni dobong.

1 San Juan 2:22

Say owap pa toro ira nonta ira toon ma‐owap, kowan sha ey si Jesus, aliẃen si‐kato kari sota inbetkag nen Apo Shiyos alid ja dobong. Sajay iren too ja eg memati son Apo Shiyos tan si Jesucristo ja Anak to, si‐karay makakontra ni obda nen Cristo.

1 San Juan 4:3

Nem sota ira aliẃen sajay i shaka itoro, enshiy Ispirito Santo nen Apo Shiyos son si‐kara, no diket si‐kara sota kawad‐an ni ispiriton makakontra son Cristo. Intenengan jon ẃara di sota makakontra son Cristo, jet niman ẃara ira ma ja nayẃaris shiya dobong.

Inpa-Amta Nen Jesucristo 13:8

Jet emin na tood ja dobong, sotan i shedjawen sha, nem say eg manshedjaw so nontan, sota ira naysolat i ngaran sha shima dibshon dista‐an ni toon nay‐aknan ni biyag ja enshiy to engintegan. Sajay ya dibsho, ẃara so nonta Kalniron naykoros nontan da jet sota toon naydista nodtan, sigorado ngoreshan i kaysedakan sha, angken nonta eg pay laeng epalsowa i dobong.