San Mateo 24:11 - Dibshon Mengi-kan Ni Pansigshan

¹¹ Wara pay iray ondaw ali ja kowan sha ey para padto ira nen Apo Shiyos, nem o‐owap kariy toro sha, jet eshakel noman i on‐onod son si‐kara ja may‐owapan.

San Mateo 24:11 Iomraidhean Croise

San Mateo 24:12

Jet sajay alin timpon onmotok, mema‐ma may ogadi ni toon ngaaw, jet nakol ni ẃa‐ẃa‐sha so ira nonta took i ootik may semek sha so ni kait sha.

San Mateo 24:24

Ta eshakel aliy toon kowan sha ey si‐kara si Cristo, ono kowan sha ey si‐karay para padto nen Apo Shiyos, jet eshakel i dag‐en shen kaskasshaaw wa aramid ono milagro. Jet no mebedin, kowan sha pay ey i‐owapan sha ira sota too nen Apo Shiyos ja pinidi to.

San Mateo 24:5

ta eshakel aliy toon mengosal ni ngaran ko, ja ikowan sha ey si‐kara si Cristo, jet eshakel noman i toon may‐owapan.

San Mateo 7:15

“Tanshaaniyo sota kowan sha ey para padto kono ira nen Apo Shiyos nem o‐owap i shaka ikokowan. No ẃara di ira, singa maronong ira nem mareshal gayam ira ni pamatiyo.

San Marcos 13:22

Ta eshakel aliy toon kowan sha ey si‐kara si Cristo, ono kowan sha ey si‐karay para padto nen Apo Shiyos, jet eshakel i dag‐en shen kaskasshaaw wa aramid ono milagro. Jet no mebedin, kowan sha pay ey i‐owapan sha ira sota too nen Apo Shiyos ja pinidi to.

Inpaspasing 20:30

Tan ẃara pay met laeng son si‐kayoy maysi‐jan ja en mengi‐owap ni kait shen emati, say si‐kara konoy onoren sha.

1 Timoteo 4:1

Sota Ispirito Santo nen Apo Shiyos, edawag ja inpa‐amta to ey no ma‐onod alin timpo, ẃaray eshom so nonta ira emati ja mengibi‐jag ni pamatira, jet say onoran sha, sota toro nen Satanas ja o‐owap.

2 San Pedro 2:1

Nem angken nonta bayag da, ẃara met laeng iray sinan para padto ja o‐owap i intoro sha so nonta ira too nen Apo Shiyos. Jet angken niman na emankedabas sa timpoyo ngo, ẃara ira aliy inges sha ja kowan sha ey si Apo Shiyos konoy engibetkag son si‐kara. Nem o‐owap kariy toro sha. Sotan alin itoro sha, sikap, jet si‐katoy meneshal ni pamati ni eshom. Eg sha mala eẃaten ey si Jesus i Apo sha, anta nga si‐katoy engisedakan son si‐kara nonta pilmiro. Eg ira met kitdi mebedjag, ta sajay ya shaka dagdag‐a, si‐katoy mengi‐kan ni kesheshalan sha,

1 San Juan 2:18

Si‐kayon annak ko, entikey may timpo! Intenengan jo ey ẃara nin ali sota sakey ya sinan Cristo ja kontra to kariy obda nen Cristo, jet niman, eshakel ira ma shiya dobong. Isonga sajay i amta‐an tayo so ey shanshani may tapos ni dobong.

1 San Juan 2:26

Nem mesepol la mantanshaan kayo, ta ẃara iray apil i toro sha ja piyan shakejon i‐owapan. Isonga insolat ko iyay ya banshaan son si‐kayo.

1 San Juan 4:1

Si‐kayon kait kod pamati ja ensemek ko, karejo iba‐ngat ja pati‐en i kompormin too ja ikowan to ey sota Ispirito Santo nen Apo Shiyos i kedepo‐i ni toka itoro. No diket ashal jo nin no agpayson edapo son Apo Shiyos, tep eshakel iray ma‐o‐owap ja kowan sha ey si Apo Shiyos i engibetkag son si‐karen mengitosho. Jet si‐karay nayẃaris shi emin na dogad.

San Judas 1:4

Sajay i naka pan‐i‐adok ta ẃara iray toon nandibas ja nay‐eshom son si‐katejon emati, jet apil i toro sha maypangkep nonta kaasi nen Apo Shiyos. Say kowan sha, si Apo Shiyos, manangaasi, isonga angken memii kito kono ono mekileki, eg shakito shosa‐en nen Apo Shiyos. Eg sha pay pati‐en ey si Jesucristo, si‐kato bengat i Apo tayo. Sajay iren itsora ni totoo, si‐katoy kaytoshongan nonta naypadto nonta bayag da ja kowan to ey say toshongen sha, shima dogad ja insagana nen Apo Shiyos ja shosa‐an.

Inpa-Amta Nen Jesucristo 19:20

Nankobat ira et enaskel sota Animal tan angken pay sota sinan para padto ja emandegdeka ni kaskasshaaw. Sotan na sinan para padto, si‐kato sota maykadẃen Animal la engi‐owap ira nonta totoo nontan da et imonod noman ira sota totoo ja emalka‐an nonta malka ni Animal tan sota totoon nanshayaw so nonta dineken kabakbakdang nonta pilmiron Animal. Jet sotan iren showa, naykespig iren mabiday shima apoy ya singa baybay ja asoprin emanshedang ni olay.