San Mateo 24:10 - Dibshon Mengi-kan Ni Pansigshan

¹⁰ Jet eshakel ma i took ja mengi‐ibjag ni pamatira tan mengibaag ni kait sha so ni makakontra son si‐kara, tan asdeg to so ni took ja emati i mankokontra.

San Mateo 24:10 Iomraidhean Croise

San Mateo 10:21

“Jet sajay alin timpo, angken san‐agin daki, ibaag nonta sakey i agi to shi eshom, ey eg et meshanagan ey angken bono‐en sha. Inges niyay met laeng i pesing ni a‐ama shi annak sha. Jet angken sota ira a‐anak, kontra‐en shay maka‐anak son si‐kara et pebonora pay ira.

San Mateo 11:6

Si Apo Shiyos i onbindisiyon so nonta enshiy showashowa to son si‐kak.” Kowan nen Jesus so nonta ira inbetkag nen Juan.

San Mateo 13:57

Jet sotan iren kaidiyan to, dinamsis sha si Jesus. Nem si‐kato, say kowan to son si‐kara, “Emin ira sota toon inbetkag ali nen Apo Shiyos, mebedin na mayshedjaw shi emin na ili. Nem shi mismon ili to bengat i eg to kayshedjawan, tan angken pay sota mismon pamilja to, eg sha ishayaw.”

San Mateo 24:11

Wara pay iray ondaw ali ja kowan sha ey para padto ira nen Apo Shiyos, nem o‐owap kariy toro sha, jet eshakel noman i on‐onod son si‐kara ja may‐owapan.

San Marcos 13:12

“Jet sajay alin timpo, angken san‐agin daki, ibaag nonta sakey i agi to shi eshom, ey eg et meshanagan ey bono‐en sha. Inges niyay met laeng i pesing ni a‐ama shi annak sha. Jet angken sota ira a‐anak, kontra‐en shay maka‐anak son si‐kara et pebonora pay ira.

San Lucas 21:16

Sota ira a‐akiyo, partido jo, kajem jo, tan angken pay sota ira maka‐anak son si‐kayo, si‐kara met laeng i mengibaag son si‐kayo so nonta ira makakontra son si‐kayo say seskelen shakejo, jet sota eshom son si‐kayo, bono‐en sha.

2 Timoteo 1:15

Amtam met ey emin sota ẃared ta Asiya, angken pay si Pigilo nen Hirmoginis, inbiyang sha‐ak ma.

2 Timoteo 4:10

ta mesepol taka. Si Dimas, indekjas towak, ta say ẃara son si‐kato, ja toka nemnemnema, sota ka‐id‐irin shiya dobong; jet dimaw da shi Tisalonika. Jet si Krisinti, dimaw ngo shi Galasia; si Tito, dimaw ngod Dalmasia.

2 Timoteo 4:16

Nonta pilmiron insakdang sha‐ak so, enshin polos i en imatang so nontan na kasok; emin ira sota kait tayo ket indekjas sha‐ak. Nem say shawat ko so nen Apo Shiyos, sapay koma ta eg to shosa‐en ira sotan, no diket kaasi‐an to ira, angken na binaybay‐an sha‐ak.