San Mateo 2:9 - Dibshon Mengi-kan Ni Pansigshan

⁹ Idi itenengan ira niya toon nankedaing iya kowan nen Ari Hirodis, dima‐jat iren ondaw shi Bitlihim. Jet sota talaw wa inon‐an sha alid bedalan ja edapo‐an sha, epangdo ey si‐kara shima dogad ja daẃan sha, jet nan‐akad ira ingkatod simalsheng sota talaw. Jet pintek ton kosto sota kawad‐an nonta nga‐nga.

San Mateo 2:9 Iomraidhean Croise

San Mateo 2:10

Idi inon‐an shen simalsheng sota talaw, ebadeg i imdeng sha.

San Mateo 2:2

Jet sha inbaga ey, “Towa sota nga‐ngen nay‐anak ja ari ali ni Hodiyos? Inon‐an miy inbo‐day nonta talaw shi bedalan et si‐katoy engamta‐an mi so ey nay‐anak. Dimaw kami di say kami manshedjaw so nontan na nay‐anak ka ari.”

San Mateo 2:8

Jet inbetkag to ira shi Bitlihim ja kowan to ey, “Eti, daw kayo ngarod, singpet joy anap nonta nga‐nga, jet no sepolen jo, ipa‐amtayo ali son si‐kak. Say ondawak ngo ja en manshedjaw son si‐kato.”

2 San Pedro 1:19

Isonga sota inkowan ira nonta para padto nen Apo Shiyos nonta bayag da, amta tayo men pasiya ey panshindan. Jet pansigshan jo no sotan na esel ni para padto i pati‐en jo. Ta sotan i may‐eshig ey onsilew son si‐katejon ẃared dogad ja embolinget ingkatod onsabi ali sota akew wa idaw mowan ali nen Cristo. Ta si Cristo i may‐eshig ey mamowas sa talaw ja mengipa‐sas ey emankeẃa‐ẃa ma, jet si‐katoy ondawag ni nemnem jo.