San Mateo 2:16 - Dibshon Mengi-kan Ni Pansigshan

¹⁶ Idi inamta‐an nen Hirodis ey nandibas ira sota nankedaing nga too, kowan tod nemnem to ey, “Endedamsis sha gayam sota inbilin ko nontan!” Jet ebadeg ga pasiya ma i bonget to. Inbetkag to ira sota solsharo to ja memono ni emin na nga‐ngen daleki shi Bitlihim ja mantaw‐en ni showa ono ekolang, ingkato nodta dogad ja nandi‐mot shi Bitlihim. Ta say kowan nonta nankedaing nga too, inon‐an sha sota talaw nonta showen tawen den edabas.

San Mateo 2:16 Iomraidhean Croise

San Mateo 2:1

Jet nontan na inkay‐anak nen Jesus shi Bitlihim, ja sakop ni Jodia, maramen si Hirodis i ari. Idi nontan, ẃaray mimotok shi Jerusalem ja toon nankedaing ni bisto ni talaw ja edapod bedalan.

San Mateo 2:17

Sajay i kaytoshongan nonta padto nen Jeremias nonta bayag da ja kowan to ey,

San Mateo 2:7

Jet nontan ma si Ari Hirodis, inpa‐odop to ira ngo sota nankedaing nga too ja edapod bedalan. Jet insho‐petan to iren pasiya nonta a‐abos sha no pigan i inbo‐day nonta talaw wa inon‐an sha.

Inpa-Amta Nen Jesucristo 12:4

Sota ikol to, pinedaspas to sota inkatdon kabebilang ni talaw shima naykayang et na‐kas ira shi dobong. Jet sota bowaja, dimayat ja sinengo to sota biin shanshanin on‐anak, tep piyan ton kenen sota nga‐nga ali no onbo‐day.

Inpa-Amta Nen Jesucristo 17:6

Sotan na bii, inon‐an kon singa inboteng toy shala ira nonta too nen Apo Shiyos, ja binbinora tep ireka mengitosho ni maypangkep son Jesus. Jet nonta in‐asas ko so nontan na bii, asdeg ton naka messhaaw ni itsora to.