San Mateo 19:9 - Dibshon Mengi-kan Ni Pansigshan

⁹ Jet niman, ikowan ko son si‐kayo ey sota dakin mengisi‐jan ni aseẃa to, ey eg ekileki sota bii, nanbasol ja inges to sota emii no mengesawa mowan ni apil la bii.”

San Mateo 19:9 Iomraidhean Croise

San Mateo 19:10

Jet sota too nen Jesus, kowan sha son si‐kato ey, “No sotan i itsora ni pengesawa, pansigshan ngarod ni daki ey eg mengesawa.”

San Mateo 19:8

Si Jesus, sinongbatan to mowan ira ja kowan to ey, “Say inpalobosan so nen Moises ey sotan i medeka ket kabol ni katangken ni nemnem jo. Nem nonta pinalsowa nen Apo Shiyos i too, enshiy to inkowan na satan.

San Mateo 5:32

Nem say ikowan ko pay son si‐kayo, sota dakin mengisi‐jan ni aseẃa to, ey eg ekileki sota bii, si‐katoy engi‐kan ni nanbasolan nonta aseẃa ton bii. Jet sota mengesawa ngo nontan na biin naysi‐jan, nanbasol ngo ja singa emii.

San Lucas 16:18

“Say sakey ya bilin nen Moises ja eg mebedin na mebediwan, kowan to ey say dakin mengisi‐jan ni aseẃa to, ja meki‐esawa mowan, bimasol ja inges to sota emii. Inges to ngo met laeng, no sipa ngoy mengesawa nonta biin insi‐jan sha, bimasol ja inges to sota emii.

1 I-Korinto 5:1

Iyay i shinemag ko ey ẃara kono son si‐kayoy na‐alas i aramid to. Wara konoy dakin pinidiw toy aseẃa met laeng nen ameto. Angken sota ira toon enshiy pamati to son Apo Shiyos, eg sha dag‐en iyay.

1 I-Korinto 7:39

Sota biin ẃaray aseẃa to, eg to koma isi‐jan sota sigod ja aseẃa to. Nem no metey sota daki, eẃaya ma, mebedin na meki‐esawa mowan shi eshom, no kait ton emati son Apo Jesus.

1 I-Korinto 7:4

Ta sota biin ẃaray aseẃa to, aliẃen si‐katoy mengitoshay shorog ni bakdang to, no diket sota aseẃa ton daki. Kasta met sota dakin ẃaray aseẃa to, aliẃen si‐katoy mengitoshay nonta bakdang to shorog, no diket sota aseẃa ton bii.