San Mateo 19:16 - Dibshon Mengi-kan Ni Pansigshan

¹⁶ Jet nontan, ẃaray sakey ya toon dimaw ali son Jesus jet kowan to ey, “Maistoro, ngarantoy dag‐en ko ja mapteng say meẃad‐anak ni biyag ja enshiy to engintegan?”

San Mateo 19:16 Iomraidhean Croise

San Mateo 19:15

Jet si Jesus, insakpal toy takday to so nonta ira a‐anak, asan toka ira ilekjas.

San Mateo 19:26

Simongbat si Jesus ja kowan to ey, “Agpayson eg kabaalan ni toon mengisedakan ni bakdang to shorog, nem si Apo Shiyos, mebedin to tep kabaalan ton emin.”

San Mateo 19:29

Jet ikowan ko son si‐kayo, no sipay engilekjas ni baley to, a‐aki to, annak to, bo‐day to, ono sota maka‐anak son si‐kato, kabol ni inpamati to ni bilin ko, ebadbadeg ga pasiyay eẃaten to ja angken mansandasos, tan kon‐oren to pay i biyag ja enshiy to engintegan.

San Mateo 25:46

Jet sajay ira, meshosa ira shima shosa‐an ingkatod ingka. Nem sota ira ineẃat to, may‐aknan ira ni biyag ja enshiy to engintegan.” Kowan nen Jesus.

San Juan 10:28

Jet sotan iren kokowak, naka akni ira ni biyag ja enshiy to engintegan, jet eg sha ma da‐kaman i shosa ingkatod ingka, jet enshiy makabaal ja onpiliw son si‐kak ni angken sakey son si‐kara.

San Juan 12:25

Sota toon toka kaẃani i biyag to, mepokaw et ngo mowan; nem sota toon eg to kaẃanan i biyag to shiya dobong pangkep son si‐kak, meẃad‐an ni biyag ja enshiy to engintegan.

San Juan 3:15

jet sota emin na memati son si‐kak, may‐aknan ni biyag ja enshiy to pengintegan.

San Juan 4:14

Nem sota shanom ma naka pan‐i‐akan, si‐kato sota biyag ja enshiy to engintegan, jet sota on‐inom so, eg mowan messho, ono ma‐kew, ta ẃara ni olay son si‐kato, ja singa inges to sota temtem ja eg ma‐ma‐ti‐an.”

San Juan 5:39

Si‐kayo, joka ad‐ashala sota esel nen Apo Shiyos ja naysolat nonta bayag da, ta say pangkep jo, kowan jo emo ey sepolan jo nodtan sota biyag ga enshiy to engintegan. Nem si‐kak i kaytoshongan nonta ira naysolat nodtan na dibsho ja joka ad‐ashala,

San Juan 6:47

Kinapodpodno iya inkowan ko son si‐kayo. Sota memati son si‐kak, may‐aknan ni biyag ja enshiy to engintegan.

San Juan 6:68

Jet si Simon Pedro, simongbat ja kowan to ey, “Sipa ngay i daẃan min eshom no aliẃen si‐kam? Ket si‐kam bengat i kawad‐an ni esel ja emengi‐kan ni biyag ja enshiy to engintegan,

Inpaspasing 16:30

Inbo‐day to ira ja kowan to ey, “Toway pesing kon maysedakan?”

I-Roma 2:7

Jet sota toon enganos ja nandaga ni mapteng, tep toka kamkamkamiy kay‐a‐tek tod dangit, ono sota kon‐oren to ingkatod ingka, si‐katoy may‐aknan ni biyag ja enshiy to engintegan.

I-Roma 5:21

Agpayso ey say singa enanngel ni biyag ni emin na totoo ket sota basol, isonga ẃaray patey. Nem niman ma, sota kaasi nen Apo Shiyos, si‐katoy mengebak ja mengi‐kan ni biyag ja enshiy to engintegan so nonta ira toon toka kosto‐i. Jet sajay ya toka isalakani son si‐kara, emedepo son Jesucristo ja Apo tayo.

1 Timoteo 1:16

Say kabol la kinaasi‐an towak so, jey angken na si‐kak i kabalkan i basol to, piyan nen Jesucristo ja ipa‐sas i ebadeg ga ka‐anos to, say ẃaray pengasan ira nonta toon memati ali son si‐kato ja meẃad‐an ni biyag ja enshiy to engintegan.

1 Timoteo 6:12

Dagam i kabaalan mon man‐obda maypangkep nonta pamati, tan nemnemnem mo sota i‐awat nen Apo Shiyos son si‐kam ja biyag ja enshiy to engintegan. Si Apo Shiyos i mismon enotok son si‐kam, tan engi‐kan nontan na biyag son si‐kam, nonta engikowanan mod karakdan ey emati ka. Jet eshakel nontan i engitneng.

1 Timoteo 6:19

No sajay i pesing ni bebaknang, mapteng, jet ẃaray may‐eshig ja singa poonan shed dangit ja kenasan shed man. Sajay i pesing nga menigorado ni podnon biyag shi dangit.

Tito 1:2

jet say pangkep ko ni naka pansilbi son Cristo, say eshakel i mengamta nonta namnama ni si‐katejon emati son si‐kato. Sajay ya namnama tayo, si‐kato sota biyag ja enshiy to engintegan, jet sajay da sota inkari nen Apo Shiyos nonta eg pay laeng epalsowa iya dobong. Jet agpayson tongpalen to ali ja i‐akan iya namnama tayo, ta si Apo Shiyos, eg mebedin na man‐o‐owap.

Tito 3:7

Jet sota kaasi to, sotan i epakaẃanan ni basol tayo et isonga kinosto‐an tokito, say mekila‐kam kito ngo nonta biyag ja tayoka namnama‐a ja enshiy to engintegan.

1 San Juan 1:2

Si‐katoy kawad‐an ni biyag ja enshiy to engintegan jet sigod ja ẃara ngoreshan son Apo Shiyos ja Ameto. Jet si Apo Shiyos, inbetkag to di son si‐kami, jet inon‐an min mismo sotan na biyag ja ẃara son si‐kato. Isonga niman, mesepol ngon sota inon‐an mi tan intenengan mi, ikowan mi son si‐kayo, say maykait kayo ngo son si‐kami ni inpakikadẃa mi son Apo Shiyos ja Ama, tan si Jesucristo ja Anak to.

1 San Juan 2:25

Jet say inkari nen Cristo son si‐katejon on‐onong ja memati son si‐kato, biyag ga enshiy to engintegan.

1 San Juan 5:20

Jet amta tayo pay ey sota Anak nen Apo Shiyos, dimaw ali shiya dobong jet engi‐kan son si‐katejo ni koston pannemnem say eẃatan tayo i maypangkep son Apo Shiyos, ey si‐kato i podno. Jet say kawad‐an tayo ma niman, sota podnon Shiyos, tan si Jesucristo ja Anak to. Sajay i podnon Shiyos, ja emengi‐kan ni biyag ja enshiy to engintegan.

San Judas 1:21

Karejo pay dibdibkan sota ebadeg ga semek nen Apo Shiyos son si‐kayo. Anosiyon mansessesked ni idaw ali mowan nen Jesucristo ja Apo tayo, ta kaasi‐an shakito di ja i‐aknan shakito ni biyag ga enshiy to engintegan.