San Mateo 17:2 - Dibshon Mengi-kan Ni Pansigshan

² Jet idi mimotok ira nodtan, inon‐an shen nanbaliw i itsora nen Jesus ja emenenili. Singa sekit i itsora ni dopa to jet sota baro to, empotin pasiya.

San Mateo 17:2 Iomraidhean Croise

San Mateo 17:1

Idi ẃaray enem ma akew ja edabas da ni engikowanan nen Jesus niyay, inodop to si Pedro, tan si Santiago nen Juan ja san‐agi, jet timiyed ira ni a‐abos sha shima shontog ga ekayang.

San Mateo 17:3

Jet nontan met laeng, inon‐an sha si Moises nen Elias ja emekitbal so nen Jesus.

San Mateo 28:3

Say itsora ni dopa nonta anghil, singa bagidat, tan say baro to, empotin pasiya.

San Marcos 9:3

Jet sota baro to, emandining nga pasiya, tan empotin pasiya, ja enshiy to kay‐ingesan na kapoti‐an na baro shiya dobong ja inpapoti ni too.

San Lucas 9:29

Idi maramen emansheẃat si Jesus, nanbaliw i itsora ni dopa to. Angken pay sota baro to, nanbalin ni empotin pasiya ja emenenili.

San Juan 1:14

Sotan na sigod ja ẃara son Apo Shiyos, ja engipa‐amta ali ni maypangkep son Apo Shiyos, nanbalin ni too, jet eki‐iyan son si‐katejon too. Inon‐an min mismoy kina‐Shiyos to — sota kina‐Shiyos ja in‐akan nen Ameto ta si‐kato bengat i Anak to. Emin na inon‐an min dingka to, ma‐sas ni olay ey ebadeg i semek to tan podnon emin i kowan to.

San Juan 17:24

Ama, si‐kam i engi‐ẃat ira niyay ya too son si‐kak, jet say piyan ko, ondaw ngo ira shi dangit ja daẃan ko, say asen sha sota shayaw ja in‐akan mo son si‐kak, nonta pilmiro ja eg pay laeng epalsowa iya dobong. Sajay i inpasing mo nontan da ta ensemek mowak ngoreshan.

I-Roma 12:2

Karejo on‐onoran i ngaaw wa aramid ni karakdan na tood ja dobong, no diket ipedobos jo koma ja si Apo Shiyos i onbaliw so ni nemnem jo say mannemnem kayo ma ni kosto. No sajay i pesing jo, amta‐en jo sota aramid ja toka kosto‐i. Jet sota piyan nen Apo Shiyos ja medeka, sotan i mapteng, sotan i enshiy kolang to, sotan i mengi‐kan ni pan‐imdengan to.

Inpa-Amta Nen Jesucristo 10:1

Wara pay i inon‐an kon makedsang nga anghil ja edapod dangit; singa insala‐ẃaki toy kolpot et sota petek ni toktok to, ẃaray bongdol to; jet sota dopeto, singa sekit; sota sedi to singa tokod ja emanshedang.

Inpa-Amta Nen Jesucristo 20:11

Jet ẃaray inon‐an kon ebadeg ga empotin tongawan et ẃaray timongaw nodtan. Jet say dobong, tan sama ẃared naykayang, na‐omas ira tep singa eg sha itoled i kawasha nonta timongaw nodta empotin tongawan. Sota dobong, tan sama naykayang, kolpin na‐enshi mala.