San Mateo 16:12 - Dibshon Mengi-kan Ni Pansigshan

¹² Jet nontan ma, sota ira too nen Jesus, ineẃatan sha ey aliẃen to‐to‐ẃen para debag ni tinapay i toka pan‐ikowan. No diket toka pan‐ibanshaan sota maypangkep ni o‐owap pa toro ira nonta Parisiyo, tan sota toro ni Sadosiyo ta maganon man‐a‐elbat ja inges toy para debag ni tinapay.

San Mateo 16:12 Iomraidhean Croise

San Mateo 16:11

Isonga eẃatan jo koma ey aliẃen sota maypangkep ni tinapay i naka pan‐ikowan nonta inkowan ko so ey mantanshaan kayo nonta singa para debag ni tinapay ja ẃara so nonta ira Parisiyo tan Sadosiyo.”

San Mateo 3:7

Nem idi inon‐an nen Juan ira sota Parisiyo, tan sota ira Sadosiyo, ja emandaw son si‐kato, ja kowan sha ey ira manpabonjag ngo son si‐kato, kowan nen Juan son si‐kara ey, “Si‐kayo, singa oleg i ogadiyo! Say kowan jo emo, mebedin na disi‐an joy penosa nen Apo Shiyos no manpabonjag kayo bengat?

San Mateo 5:20

Mesepol la may‐enam i ogadiyo shi bilin nen Apo Shiyos, ja aliẃen inges to ira sota Parisiyo tan mamaistoro ni dinteg. No eg mandesin i pengonod jo nontan na bilin nem say si‐kara, eg mebedin na mayda‐kam kayo shi pantoshayan nen Apo Shiyos.

Inpaspasing 23:8

ta say pamati ira nonta Sadosiyo, kowan sha ey eg manbiyag mowan i etey, tan eg sha pati‐en ey ẃaray anghil, ono sota eshom ma eg ma‐sas; nem sota ira Parisiyo, shaka pati‐a ey say etey, manbiyag mowan, tan shaka pay pati‐a ey ẃaray anghil tan sota eshom ma eg ma‐sas.

1 I-Korinto 5:6

Sota joka pandastog, na‐alas! Itan met son si‐kayo i ngaaw wa aramid ja eg jo ikaso. Amtayo met ey sota ootik ka para debag ni tinapay, no maydaok nodta kaydaokan to, edinan ton emin.