San Mateo 11:7 - Dibshon Mengi-kan Ni Pansigshan

^7-9 Idi dimaw da sota inbetkag nen Juan, inkowan ma nen Jesus so nonta ira totoo ey, “Nonta dimaw kayo so nen Juan shima dogad ja kad‐an ton nay‐araẃi shi ili, amtayo ey si‐kato ket para padto nen Apo Shiyos. Isonga dimaw kayod man ja en mengesas ni toon para padto nen Apo Shiyos, aliẃen say kayo mengesas ni toon ekapoy ja singa bolong ni edet ja enam‐ay ya iẃagas ni shagem. Aliẃa ngon say dinaẃan jod man ket say kayo mengesas ni toon nanbaro ni mapteng, ta say ka‐asan ira niyay ket shi siyodad ja engkakembaleg i baley sha. Dimaw kayon en mengesas ni para padto et siya, inon‐an joy toon engatngato pay nem say sota eshom ma para padto nen Apo Shiyos.

San Mateo 11:7 Iomraidhean Croise

San Mateo 12:20

Sota ira ekapoy, eg to ma‐ma‐en, no diket pekedsang to ira. Kaspangarigan ey sota singa silew ẃa emanko‐ko‐shep, eg to kolpi‐en na a‐shepen. Jet shi ka‐onoran, isaad toy toray to jet poro mapteng i maysa‐dat.

San Mateo 21:25

Jet sipa ngarod i engibetkag so nen Juan ja en memonjag nontan — nemnem to ngo shorog ono si Apo Shiyos?” Nem sota ira apo ni papashi tan sota eshom ma pangolo ni Hodiyos, nantatabtabal ira ja kowan sha ey, “No ikowan tayo ey si Apo Shiyos, mesampolo kito tep ikowan to ey, ‘No kasta, apay nga eg jo ngarod pinati si Juan?’

San Mateo 3:5

Sota ira tood Jerusalem, tan eshom ma toon nanbaley shi probinsiya ni Jodia, tan sota ira toon nanbaley ja nay‐esop shima ebadeg ga pa‐dok ja kowan sha ey Jordan, ireka mansisina‐dat ja ondaw son si‐kato.

San Lucas 8:18

Singpet jon itenengan, tep sota toon mengitneng tan memati, metod‐an pay. Nem sota toon endedamsis to, ja eg memati, angken sota ootik ja kowan to ey amta to, ma‐enshi pay.” Kowan nen Jesus.

San Juan 1:38

Si Jesus, ẃiningi to ira ja eman‐onod ali son si‐kato, jet kowan to ey, “Ngarantoy ibaga jo?” Jet kowan sha son si‐kato ey, “Maistoro, toway moka pan‐iyani?”

San Juan 5:35

Si Juan, may‐eshig ey si‐kato sota singa silew wa maredang, ta si‐katoy ondawag so ni nemnem ni too, jet kayoka man‐imdeng ja mengeẃat son si‐kato; nem sanka‐atikan bengat.

I-Ipiso 4:14

Aliẃen kito on‐onong koma ja singa nga‐nga ni olay, ja edaken i‐owapan ni toon matekal la mengi‐owap, ono edaken ma‐eẃis nem ẃaray badon toro. Sajay ya itsora, may‐eshig nodta barkon sini‐bok ni shagem, ja olay toy toshongen to.

Santiago 1:6

Nem mesepol la enshiy showashowa ni pansheẃat jo; ipasnek jo ey kenshat ta itenengan shakejo nen Apo Shiyos. Ta say toon ẃaray showashowa to, eg to panseksekey i ẃared nemnem to. May‐eshig shi shadoyon ni baybay, ja no toway pedawan so ni shagem, si‐kato ngoy toshongen to.