San Mateo 11:3 - Dibshon Mengi-kan Ni Pansigshan

³ no si‐kato sota inkari nen Apo Shiyos nonta bayag da ey ibetkag to di ja mengisedakan. Jet inbaga sha pay ey, “Si‐kam sota naypadton ibetkag ali nen Apo Shiyos, ono ẃaray apil la seskeshen mi?”

San Mateo 11:3 Iomraidhean Croise

San Mateo 11:10

“Ta si Juan sota kaytoshongan nonta esel nen Apo Shiyos ja naysolat nonta bayag da, ja kowan to ey, ‘Waray ibetkag ko ja mepangdo ey say si‐kam, jet to isagana ira sota totoo.’ Sajay i padto nonta bayag ja timorong son Juan.

San Mateo 11:4

Simongbat si Jesus ja kowan to so nonta inbetkag nen Juan ey, “Kay‐oli kayo jet ikowan jo so nen Juan sota inon‐an jo tan intenengan jo ni kawasha jod jay.

San Mateo 21:5

“Ikowan mo so nonta ira tood Jerusalem ey eg ira koma ontakot tep sota ari sha, ondaw alin mengi‐kan ni talna. Isonga nankabajo ali shi kilaw ni donkey ja para obda.”

San Mateo 21:9

Sota ira totoo ja epangdo ey si Jesus, tan sota ira na‐onod, ireka onkaneljaw ja kowan sha ey, “Salamat son Apo Shiyos tep inbetkag to di iya mengibengon son Ari David nonta bayag da! Bindisiyonan to koma! Salamat son Apo Shiyos ja Kangeto‐an!” Kowan ira nonta totoo.

San Marcos 11:9

Sota ira totoo ja epangdo ey si Jesus, tan sota ira na‐onod, ireka onkaneljaw, ja kowan sha ey, “Salamat son Apo Shiyos tep inbetkag to di iya toon mengisedakan! Bindisiyonan to koma!

San Lucas 19:38

ja kowan sha ey, “Bindisiyonan koma nen Apo Shiyos iya arin inbetkag to di. Si‐katoy en ali mengi‐kan ni talna ja edapo son Apo Shiyos! Shayaw son Apo Shiyos ja Kangeto‐an!”

San Juan 11:27

Si Marta, simongbat ja kowan to ey, “Naka memati ey si‐kam sota naypadton mengisedakan ja Anak nen Apo Shiyos ja ibetkag to alid ja dobong!”

San Juan 12:13

Jet engala ira ni bolong nonta niyog, jet sha inaspol si Jesus ja ireka onkaneljaw ni iyaman sha son Apo Shiyos, ja kowan sha ey, “Salamat son Apo Shiyos! Bindisiyonan to koma iya toon inbetkag to di, ja ari tayon i‐Israel!”

San Juan 16:14

Ishayaw towak, ta si‐katoy mengiranon ni piyan kon ikowan son si‐kayo.

San Juan 4:21

Jet si Jesus kowan to so nonta bii ey, “Patim iya naka pan‐ikowan. Waray timpon onsabi ali ja say panshedjaw son Apo Shiyos, aliẃen sota idaw nodta shontog shiyay, ono shi Jerusalem.

San Juan 6:14

Sota ira totoo, idi inon‐an sha iyay ya dingka nen Jesus, ja inpara‐kel to sota mekan, nasshaaw ira, jet kowan sha ey, “Kinapodpodno to ey sajay sota para padto ja inpadtora nonta bayag da ey ondaw alid ja dobong.”

San Juan 7:31

Nem sota eshakel la too, ẃara ngoy eshakel la emati so nen Jesus, jet say kowan sha, “Enshiy eshom ma toon tayoka sesseskesha ja ibetkag ali nen Apo Shiyos. Si‐kato iyay ya too, ta no bilang ey ẃaray ondaw ali ja eshom, eg to ingesen i dingdingka niyay ya too.”

Hodiyos 10:37

Nemnem jo kari sota naysolat nonta bayag da ja kowan to ey, “Eg mebedjag i idaw ali nonta mengisedakan; eg metaktak.