San Mateo 11:2 - Dibshon Mengi-kan Ni Pansigshan

² Jet nontan, si Juan ja para bonjag, ja naybalod, shinemag to sota maypangkep ni dingdingka nen Cristo, jet say inpasing to, engibetkag ni totoo to son Jesus ja en mengibeka son si‐kato,

San Mateo 11:2 Iomraidhean Croise

San Mateo 1:17

Jet sajay iren nanpolipoli, manshoki so nen Abraham ingkato so nen David, sampolo tan epat ta apo. Jet manshoki mowan so nen David ingkato nonta timponindaw sha so nonta tood Israel shima dogad ja kowan sha ey Babilonia, sampolo tan epat mowan na apo. Manshoki mowan nonta ẃara ired Babilonia ingkato ngo nonta inkay‐anak nen Cristo, sampolo tan epat ta apo mowan.

San Mateo 14:3

Sajay i kowan nen Hirodis ta si‐katoy inpabono so nen Juan. Inpa‐shel to nontan et inpaibalod to ta inkowan nen Juan so nen Hirodis ey, “Parit shi bilin nen Apo Shiyos i pengesawam so nen Hirodiyas ja aseẃa nen Felipe ja agim!” Isonga inpa‐shel nen Hirodis si Juan ta pipiyan tos Hirodiyas.

San Mateo 4:12

Nontan ngo ma, naybalod si Juan ja para bonjag. Idi inamta‐an nen Jesus, imoli ma shi Galilia.

San Mateo 9:14

Nontan met laeng, dimaw ali son Jesus sota too nen Juan na para bonjag, jet kowan sha ey, “Si‐kami tan sama ira Parisiyo ket kanayon na mika ibiyang i pangan mi no manngidin kami, nem apay nga sama toom ket eg sha ibiyang i pangan sha?”

San Marcos 6:17

Sajay i pan‐inemnem nen Hirodis tep mismon si‐katoy inpabono so nen Juan. Inpa‐shel to nontan et inpaibalod to, ta idi inesawa nen Hirodis si Hirodiyas ja aseẃa nen Felipe ja agi to, inkowan nen Juan so nen Ari Hirodis ey, “Parit shi bilin nen Apo Shiyos i pengesawam so nen Hirodiyas.” Isonga inpa‐shel nen Hirodis si Juan, ta pipiyan to si Hirodiyas.

San Lucas 3:19

Nem say inkowan to son Hirodis ja gobinarol shi Galilia, kowan to ey, “Ngaaw i inpiliw mo so nen Hirodiyas ja aseẃa nen agim. Tan ẃara pay i eshakel la ngaaw ja aramid mo.”

San Lucas 9:7

Si Hirodis ja engitoshay ni Galilia, idi shinemag to sota maypangkep ni emin na dingdingka nen Jesus, eg to tetongolan nem sipay koston katoo nen Jesus. Ta say kowan ni eshom, si‐katos Juan ja para bonjag ja nanbiyag mowan.

San Juan 4:1

Sota ira Parisiyo, shinemag sha ey eshakel konoy panbonjagi nen Jesus ja manbedin ni too to, jet ootik malay emandaw so nen Juan. (Nem aliẃen agpayso sotan na shamag sha. Enshiy en binonjagan nen Jesus; no diket say ememonjag, sota ira too to.) Idi inamta‐an nen Jesus iyay ya shamag,