San Mateo 11:10 - Dibshon Mengi-kan Ni Pansigshan

¹⁰ “Ta si Juan sota kaytoshongan nonta esel nen Apo Shiyos ja naysolat nonta bayag da, ja kowan to ey, ‘Waray ibetkag ko ja mepangdo ey say si‐kam, jet to isagana ira sota totoo.’ Sajay i padto nonta bayag ja timorong son Juan.

San Mateo 11:10 Iomraidhean Croise

San Mateo 11:11

Jet ikowan ko et son si‐kayo. Podno ey si Juan, enshiy to kay‐ingesan so ni emin na toon nay‐anak, andken sipa. Nem say sakey ya toon kabeba‐an shi pantoshayan nen Apo Shiyos, si‐katoy engatngato nem say si Juan.

San Mateo 11:3

no si‐kato sota inkari nen Apo Shiyos nonta bayag da ey ibetkag to di ja mengisedakan. Jet inbaga sha pay ey, “Si‐kam sota naypadton ibetkag ali nen Apo Shiyos, ono ẃaray apil la seskeshen mi?”

San Mateo 3:3

Saja si Juan, si‐katoy kaytoshongan nonta padto nen Isaias nonta bayag da ja kowan to ey ẃara aliy toon ikeljaw toy esel to shima dogad ja nay‐araẃi shi kad‐an ni totoo, ja ikowan to ey, “Pansagana kayo ta shanshani ma aliy imotok nen Apo! Singpet joy shalan na pan‐akshan to!”

San Marcos 1:2

nayshogi nonta engitosho si Juan ja para bonjag. Si‐katoy nantongpalan nonta padto nen Isaias nonta bayag da, ja esel nen Apo Shiyos met laeng so ni Anak to, ja kowan to ey, “Iyay sota ibetkag kon mepangdo ey say si‐kam, jet si‐katoy mengikowan nodta totoo ey mansekana ira ni imotok mo.

San Lucas 1:76

Si‐kam ma anak ko, no onba‐deg ka di, si‐kam ali sota ibetkag nen Apo Shiyos sa Kangeto‐an, ja mepangdon mengikowan nodta totoo ey mansekana ira ni imotok to.

San Juan 1:23

Si Juan, simongbat ja kowan to ey, “Si‐kak i kaytoshongan nonta padto nen Isaias nonta bayag da ja kowan to ey ẃara aliy toon ikeljaw toy esel to shima dogad ja nay‐araẃi shi ili, ja kowan to ey, ‘Pandeteg joy shalan na pan‐akshan nen Apo!’ ”