San Mateo 10:5 - Dibshon Mengi-kan Ni Pansigshan

⁵ Sajay iren apostol to ja sampolo tan showa, inbetkag to ira, ja kowan to ey, “Karekayo ondaw shima angken towen kawad‐an ira nonta aliẃen kait tayon Hodiyos, ono shima angken towen ili ni i‐Samaria,

San Mateo 10:5 Iomraidhean Croise

San Mateo 22:3

Inbetkag nonta ari ira sota baga‐en to ja sha odopen ira di sota ineẃis to nontan ja mekikan nodtan. Nem sota na‐awis, ensikshal ira din ondaw.

San Mateo 4:15

“Shima Galilia ja petek ni baybay tan shemang ni pa‐dok ja kowan sha ey Jordan, ja istay sinekopan ni poli nen Sabolon tan Niptali, si‐katoy naydaokan ira nonta aliẃen Hodiyos,

San Marcos 6:7

Sina‐nop ma nen Jesus ira sota shinotokan ton sawal ni showen apostol to et inkowan to ey ondaw iren sansheshedẃa shi eshom ma dogad. Jet kowan to son si‐kara ey, “Ipiyal ko son si‐kayo ey angken sama ira dimonyo ja pimeket shi totoo, mebedin na pebtik jo.”

San Lucas 10:1

Idi naksheng iyay, si Apo Jesus, shinotokan toy piton polo tan showa so nonta ira too to, jet inbetkag to iren sanshedẃa ja en mengitosho shima emin na dogad ja kowan to ey daẃan to met laeng.

San Lucas 10:33

Nem idi nanshalan aliy sakey ya toon i‐Samaria nodtan, ja aliẃen kait nonta Hodiyos sa tinodisan sha, inon‐an to et naysemekan nodta too.

San Lucas 17:16

Dimaw ja en nantalimokod shi sango‐an nen Jesus ni iyaman to. Sajay ya too ket, i‐Samaria.

San Lucas 9:1

Si Jesus, sina‐nop to ira sota shinotokan ton sawal ni showen apostol to et inkowan to ey ondaw ira ja sha ikowan i maypangkep ni pantoshayan nen Apo Shiyos, tan pemapteng sha pay i sakit ira ni totoo. Jet kowan to pay son si‐kara ey, “Ipiyal ko son si‐kayo ey angken sama ira dimonyo ja pimeket shi totoo, mebedin na pebtik jo. Tan sota ira ẃaray sakit to, mebedin ngon pemapteng jo ira.

San Juan 17:18

Si‐kam i engibetkag son si‐kak shiya dobong, jet inges to ngon ibetkag ko ira shiya emin na sakop niya dobong.

San Juan 20:21

Jet si Jesus, inpinshowa to mowan ja kowan to ey, “Sapay koma ta sota talna ket, si‐katoy meẃesha son si‐kayo.” Tan kowan to pay ey, “Ibetkag takejo, ja inges toy inpangibetkag nen Amak son si‐kak.”

San Juan 4:20

Isonga niman, iyay i piyan kon ibaga son si‐kam. Sota appo mi da, inkowan sha ey sota shontog shiyay ya dogad i panshedjawan mi son Apo Shiyos. Nem si‐kayon Hodiyos, say kowan jo kono ngo, shi Jerusalem i koston en panshedjawan ni emin na too son Apo Shiyos.”

San Juan 4:5

Jet nontan na inpanshalan shed man, minotok shay Sikar ja sakop met laeng ni Samaria. Sotan na dogad, nay‐esop nodta bo‐day nen Jacob nonta bayag da, ja in‐akan to so nen Jose ja anak to.

San Juan 4:9

Sota bii, nasshaaw jet kowan to ey, “Ita et mangon kaka manbeka son si‐kak ni shanom ma inomen mo ket i‐Samaria‐ak, ey si‐kam, Hodiyos ka?” (Sajay i inkowan nonta biin i‐Samaria, ta say Hodiyos, ensekig shay i‐Samaria.)

San Juan 7:35

Jet sota pangolo ni Hodiyos, idi intenengan sha iyay ya inkowan nen Jesus, kowan sha ey, “Towa konoy dogad ja daẃan to? Ampet siya ey, ondaw shima dogad ja nay‐araẃi ja nayẃarisan ira nonta kait tayon Hodiyos, jet mengitoshod man so nonta ira aliẃen Hodiyos. Jet mebedin noman na eg tayo ma on‐an.

San Juan 8:48

Jet idi intenengan nonta ira Hodiyos iyay ya inkowan nen Jesus, kowan sha ey, “Agpayso gayam sota kowan mi ey i‐Samaria ka ja makakontra son si‐kamin Hodiyos. Tan agpayso gayam sota kowan mi ey ẃara son si‐kam i dimonyo.”

Inpaspasing 1:8

Nem iyay i ikowan ko son si‐kayo. Sota Ispirito Santo nen Apo Shiyos, man‐iyan so ni sakey tan sakey son si‐kayo say ẃaray panakabalin jon mengikowan ni maypangkep son si‐kak shi totoo, manshoki shi Jerusalem, Jodia, Samaria, tan shi emin na sakop niya dobong.”

Inpaspasing 10:45

Jet sota ira ematin Hodiyos ja i‐Jopa ja ekidaw son Pedro, ireka emesshaaw, ta sota ira toon aliẃen Hodiyos, engawat ngo ira ni Ispirito Santo ja in‐akan nen Apo Shiyos.

Inpaspasing 8:1

Si Saulo i sakey ya makapiyan ey angken bono‐en sha si Esteban. Nontan na timpo, epaladoy shaka pesing so nonta ira emati shi Jerusalem, isonga ebokal ira ja nayẃaris shi emin na ili ni Jodia, tan shi Samaria, nem sota ira apostol, si‐kara bengat i ebay‐an ja eg nansisi‐jan.

1 I-Tisalonika 2:16

ta shakamika dingdinga ja mengikowan nonta esel nen Apo Shiyos so ira nonta toon aliẃen Hodiyos, say maysedakan ngo ira koma. Sajay i nay‐eshom pay nodta basol sha ja shaka ma‐ma‐ma‐a et anongosto ma ey shanshanin shosa‐en ira nen Apo Shiyos.