San Mateo 10:16 - Dibshon Mengi-kan Ni Pansigshan

¹⁶ “Tanshaaniyo ta ibetkag takejo ja singa kalniron naydaok shima atap pa aso. Isonga mesepol la mantanshaan kayo ja inges toy kepantanshaan ni oleg. Nem mesepol la say itsora ni ogadiyo met laeng, inges toy itsora ni kalopati ja eg meneshal.

San Mateo 10:16 Iomraidhean Croise

San Mateo 24:25

Naka pan‐isigod i banshaan son si‐kayo say amta‐en joy mepesamak ali.

San Mateo 24:45

Jet ẃara pay i arig ja inkowan to, ja kowan to ey, “Sota baga‐en ja mepiyal ja amta toy toka dagdag‐a, si‐katoy piyalen nonta apo ton mengimanshal ni kokowa to, tan no timpo ni pengi‐idaw ni balon ira nonta kait ton baga‐en, si‐katoy kaipiyal nen apo to.

San Mateo 25:2

Sota dima so nonta ira memeshikit, ẃaray nemnem sha, isonga nansagana ira; nem sota dima, enshi.

San Mateo 25:9

Nem sota ira memeshikit ta nansagana, kowan sha ey, ‘Enshi, ta baka et ey eg on‐anay iyay ja para son si‐kami no i‐aknan mikejo. Daw kayo et shima kantina jet kayo panongkal ni osalen jo ngo.’

San Lucas 10:3

Daw kayo ma, nem tanshaaniyo ta ibetkag takejo ja singa kalniron naydaok shima atap pa aso.

San Lucas 21:15

tep si‐kak met laeng i mengi‐kan son si‐kayo ni koston isongbat jo tan daing jon man‐a‐sel. Isonga sota makakontra son si‐kayo, enshi son si‐kara i makabaal ja mengebak son si‐kayo; mesampolo et ira.

Inpaspasing 20:29

Amtak ey no idekjas takejo ma, ẃara aliy maysa‐dat, ja makedsel, jet peshasen shen kolpi‐en say enshiy mebay‐an so nonta ira emati ja inpabantay nen Apo Shiyos son si‐kayo.

1 I-Korinto 14:20

A‐akik shi pamati, ibi‐jag jo sota itsora jon singa nga‐nga. Osal joy koston nemnem jo. No sota maypangkep ni basol, mebedin na may‐inges kayo komen nga‐nga ja eg to amten mandeka ni basol. Nem no sota maypangkep ni pesing jo, aliẃen singa nga‐nga kayo koma. Say benolan jon ipateg, sota pengitosho ni ipa‐amta nen Apo Shiyos.

2 I-Korinto 1:12

Marinel kami ey sotan i dag‐en jo tep mapteng ni olay i inpasing mi son si‐kayo. Saja nemnem mi, mika sigorado‐a ey say mika pekikadẃa shi emin na totoo, agdalo son si‐kayo, si Apo Shiyos i engitoshong son si‐kami. Isonga podno ni olay i pangkep mi. Jet sajay, aliẃen na nemnem min dag‐en, no diket kaasi nen Apo Shiyos. Jet sajay i mika pan‐imdengi.

2 I-Korinto 11:14

Iso gayam ma angken si Satanas, singa anghil ja mismon edapo son Apo Shiyos no sin‐arom, nem emengi‐o‐owap kari.

2 I-Korinto 11:3

Nem naka manshanag ta baka manbediw i nemnem jo, ja eg jo mala nemnemnemen sota koston joka pansilbi so nen Cristo. Baka may‐owapan kayo, ja inges to sota in‐olbod so ni oleg so nen Eva, nonta bayag da, jet nay‐owapan noman.

2 I-Korinto 8:20

Inpaki‐olop mi si iyay ta eg mi koston ẃaray apil la nemnemen ni too son si‐kami ni maypangkep niya ebadeg ga alos ja inegshi‐an mi.

I-Pilipos 2:15

say enshiy jo kebedawan, ono jo panbesolan. Ta si‐kayo, annak shakejo nen Apo Shiyos jet si‐kayoy mengileẃag ni podno so ira niya tood ja dobong ja ma‐owap tan poron makedsel. Si‐karay naydaokan jo et piyan kon eg kayo ma‐edinan.

I-Kolosas 1:9

Isonga nontan na akew wa intenengan mi so niyay, kanayon na kamika mansheẃat son Apo Shiyos ni pansigshan jo, jet say shawat mi para son si‐kayo, a‐shoman to pay koma sota amtayo maypangkep son si‐kato, say eẃatan jon pasiya no ngarantoy piyan ton dag‐en jo, ja may‐enam shi too to, tan si‐katoy mengi‐kan ni pan‐imdengan to.

I-Kolosas 4:5

Si‐kayo, karejo ba‐ba‐ngaten i joka dagdag‐a ni joka pekikadẃa so nonta ira enshiy pamati to, say enshiy sha bedawen son si‐kayo. Iringan jon mengikowan koma son si‐kara ni maypangkep son Cristo.

1 I-Tisalonika 2:10

Si‐kayon mismo i maka‐amta, tan kasta met son Apo Shiyos ngo, amta to ey sota piyan ton mapteng nga dag‐en mi, si‐katoy dingka mi ni olay son si‐kayon emati et enshiy mebedaw nonta emin na dingka mi.

1 I-Tisalonika 5:22

Nem mesepol la eshawi‐an jon emin sota amtayon ngaaw.