San Mateo 10:10 - Dibshon Mengi-kan Ni Pansigshan

¹⁰ Eg mesepol la mengita‐jon kayo ni bayong, ja pengi‐iyanan jo ni mesepol jod shalan, ono baron pansa‐datan jo, ono sinilas sa pansa‐datan jo, ono sowan. Ta sota man‐obda, nebeng ton may‐aknan ni kompormin mesepol to.

San Mateo 10:10 Iomraidhean Croise

San Mateo 10:11

No ẃaray motoken jon ili ono baryo, say enapen jo nodtan, sota toon emepiyal. Jet pan‐iyan kayo nin nodtan na baley to ingkatod eg jo pay laeng idekjas sotan na dogad.

San Marcos 6:8

Jet inparit toy panbedon sha ni mekan ono pilak, ono pengegnira ni bayong. Say inpalobos to bengat ja mebedin na itakin sha ket sota pengegnira ni sowan.

San Lucas 3:11

Simongbat si Juan ja kowan to ey, “No showay barom, i‐kan moy sakey so nonta enshiy osal to. Kasta met no ẃaray sobdam ja mekan, i‐aknim sota ira toon enshi‐anan.”

San Lucas 9:3

Angken enshiy jo ita‐jon na kompormin mesepol jo shima daẃan jo. Eg mesepol la mengita‐jon kayo ni sowan, bayong, mekan, pilak, ono baron pansa‐datan.

2 Timoteo 4:13

Jet no ondaw ka ali, alam ali sota masshel la barok; ẃared baley nen Karpo shi Troas. Tan ita‐jon mo ali ira sota dibsho, tan karam dibdibkan sota ira papil la insolatan ko so nonta epateg son si‐kak.