San Mateo 1:18 - Dibshon Mengi-kan Ni Pansigshan

¹⁸ Iyay i shoki‐an ni inkay‐anak nen Cristo. Nonta aneng pay laeng nga may‐enak si Cristo, si Maria ja mengi‐nak ali son si‐kato, naykari ja esaw‐en nen Jose. Jet si Maria, nonta eg ira pay laeng nan‐aseẃa nen Jose, na‐amta‐an ey malokon. Nem sotan na dokon to, in‐iyan gayam ni Ispirito Santo nen Apo Shiyos.

San Mateo 1:18 Iomraidhean Croise

San Mateo 1:1

Si Jesucristo, poli nen David tan si Abraham. Nem ẃara pay iray eshom, jet sajay iray ngarangaran sha:

San Mateo 12:46

Nonta marama ja eman‐a‐sel si Jesus so nonta ira totoo, sota ineto tan sota ira a‐aki to, dimaw ira di jet ẃara ira nodta bo‐dayan, ja kowan sha ey mekitbal ira kono son si‐kato.

San Mateo 2:11

Simekep ira nodta baley et inon‐an sha sota san‐ina. Jet sota ira toon nankedaing ja edapod bedalan, nantalimokod ira ja nanshayaw son si‐kato. Jet inbo‐day sha sota inta‐jon sha ja nankebanol ja i‐akan sha so nonta nga‐nga, ja balitok, tan sota emanseng‐ew wa kowan sha ey insinso, tan mira.

San Lucas 1:25

“Niman ta tinodongan towak nen Apo Shiyos, malokonak ma. Isonga enshi may naka kaybebaingi shi totoo.”

Hodiyos 10:5

Jet nonta shanshanin ondaw ali si Cristo shiya dobong, sajay met laeng i inkowan to son Apo Shiyos, ja kowan to ey, “Eg mo kosto sota kompormin pengileton ni animal, nem ẃara i insaganam ma bakdang para son si‐kak.

Hodiyos 7:26

Anam ton si Jesus i kangeto‐an na pari ja mengita‐shel son si‐katejo, ta enshiy kolang to, tan enshin polos i basol to, tan say sakey pay, aliẃen inges toy si‐katejon toon ngaaw i aramid tayo, ta si‐kato, dimaw da shi dangit, ja nay‐apil ma shi totoon mabesol.