San Mateo 1:16 - Dibshon Mengi-kan Ni Pansigshan

¹⁶ Jet si Jacob, potot to si Jose et si‐kato may maka‐aseẃa so nen Maria ja engi‐nak so nen Jesus, ja ineẃagan sha met laeng ja si Cristo.

San Mateo 1:16 Iomraidhean Croise

San Mateo 1:15

si Iliod, ama nen Eleazar et si Eleazar ama nen Matan. Si Matan ma i ama nen Jacob.

San Mateo 16:16

Si Simon Pedro, simongbat ja kowan to ey, “Si‐kam sota inpadtora nonta bayag da ey ibetkag ali nen Apo Shiyos ja mengisedakan. Si Apo Shiyos, ẃaray biyag to ingkatod ingka jet si‐kam i Anak to.”

San Mateo 16:20

Jet binidin to ira sota too to ey angken sipa, eg sha ikokowan ey si‐kato sota naypadto nonta bayag da ey ibetkag ali nen Apo Shiyos ja mengisedakan.

San Mateo 2:13

Idi naksheng den dimaw ira jay ya too, sota anghil nen Apo Shiyos, nanparang so nen Jose shi kokokip to ja kowan to ey, “Bangon ka et ibtik mo ita nga‐nga tan si ineto shi Egypt. Jet pan‐iyan kayo nin shiman ingkatod ekak ikowan ey on‐etan kayo mowan. Ta si Hirodis piyan ton pa‐enap ali iya nga‐nga ja kowan to ey bono‐en to.”

San Mateo 27:22

Jet si Pilato, kowan to son si‐kara ey, “Jet no sotan i kowan jo, ngaranto ma i dag‐en ko so nen Jesus ja inbetkag kono nen Apo Shiyos son si‐kayo?” Jet emin ira sota totoo, kowan sha ey, “Paidansam shi koros!”

San Marcos 6:3

Sajay emo met sota anak nonta kalapintiro! Aliẃa ayen si‐kato sota anak nen Maria? Amta tayo met sota ira a‐aki to ja si Santiago, Jose, Judas, tan si Simon. Tan iyay pay ired jay sota bibiin a‐aki to!” Jet sotan iren kaidiyan to, dinamsis sha si Jesus.

San Lucas 1:27

Shiman i kawad‐an ni sakey ya balesang ja manngeshan ni Maria. Si Maria, enshiy to ined‐eshol la daki et si‐katoy naykarin esaw‐en ni sakey ya dakin manngeshan ni Jose, ja poli nen David ja ari nonta bayag da.

San Lucas 2:48

Si Maria tan si Jose, nasshaaw ngo ira ni in‐asas sha so et kowan nen ineto ey, “Anak ko, apay nga dingkam iyay son si‐kami? Si amam tan si‐kak, eshanagan kamin pasiya ni ana‐anap mi son si‐kam.”

San Lucas 2:7

Jet say in‐anak to, daki, ja si‐katoy besag. Dinampinan to et inparokol tod panganan ni animal. Sinodngan to iyay tep enshiy mebedin na ka‐okipan sha nodta baley ya koston shiẃesan.

San Lucas 3:23

Si Jesus, ẃaray tedon tawen to nonta inshogi ton engitosho. Jet say pangkep ira ni karakdan, kowan sha ey anak nen Jose. Iyay i ngarangaran iren makapoli so nen Jose. Say ama nen Jose, si Eli;

San Lucas 4:22

Jet sota toon engitneng, shaka kosto‐is Jesus, nem nasshaaw iren emin nonta kalaing ton man‐a‐sel, ja kowan sha ey, “Aliẃen sajay aya sota anak nen Jose?”

San Juan 4:25

Jet sota bii, kowan to son Jesus ey, “Wara konoy ibetkag ali nen Apo Shiyos ja mengisedakan jet ma‐eẃagan kono alin Cristo, jet no ondaw ali, idawag to konon emin i angken nganto.”