San Mateo 1:1 - Dibshon Mengi-kan Ni Pansigshan

¹ Si Jesucristo, poli nen David tan si Abraham. Nem ẃara pay iray eshom, jet sajay iray ngarangaran sha:

San Mateo 1:1 Iomraidhean Croise

San Mateo 1:18

Iyay i shoki‐an ni inkay‐anak nen Cristo. Nonta aneng pay laeng nga may‐enak si Cristo, si Maria ja mengi‐nak ali son si‐kato, naykari ja esaw‐en nen Jose. Jet si Maria, nonta eg ira pay laeng nan‐aseẃa nen Jose, na‐amta‐an ey malokon. Nem sotan na dokon to, in‐iyan gayam ni Ispirito Santo nen Apo Shiyos.

San Mateo 1:2

Si Abraham, ama nen Isaac; jet si Isaac, ama nen Jacob; jet si Jacob, ama nen Joda, asan ẃara pay iray potot to ja agi nen Joda.

San Mateo 15:22

Jet idi nonta ẃares Jesus shiman, ẃaray biin dimaw ali son si‐kato ja too nodtan na dogad. Aliẃen Hodiyos tep poli nonta sigod ja too nodtan, nem kimeljaw ja kowan to ey, “Apo, naka memati ey si‐kam aliy mengibengon son Ari David nonta bayag da! Kaasimak, ta ẃaray anak kon bii nem angsan i kepesing nonta dimonyo ja pimeket son si‐kato, toka pedigaten pasiya!”

San Mateo 3:16

Idi ebonjagan ma si Jesus, kima‐jat ta shagos nodta shanom et nay‐inshas ngon edo‐katan i dangit. Jet inon‐an toy Ispirito Santo nen Apo Shiyos ali ja singa inges toy itsora ni kalopati ja emandespag alin onsepa son Jesus.

San Mateo 9:27

Idi eman‐ekad si Jesus ja edapo nodtan na dogad, ẃaray showen ekorab ja timened son si‐kato. Kimeljaw ira ja kowan sha ey, “Apo, kaasi‐i jokami! Waray namnama mi ey si‐kam i mengi‐odi nonta nantorayan da nen Ari David!” Kowan ira nonta ekorab.

San Lucas 1:33

Si‐kato di ni olay i mengitoshay ni kait ton poli nen Jacob ingkatod ingka.”

San Juan 7:42

ta say kowan ni para padto nonta bayag da, sota mengisedakan ja ibetkag ali nen Apo Shiyos ket mandepo kono shi poli nen Ari David, tan shi Bitlihim kono pay i kedepo‐an to, ta si‐katoy ili nen Ari David.” (Sajay i kowan sha ta say pangkep sha, nay‐anak si Jesus shi Galilia.)

Inpaspasing 2:30

Isonga aliẃen si‐katon shorog i kaytoshongan nonta inpadto to, no diket inpadto to bengat. Amta to sota kari nen Apo Shiyos son si‐kato ja kowan to ey, ‘Wara aliy sakey so nonta polim ja panbedin kon ari ja inges mo jet si‐katoy on‐elbat so ni intorayan mo.’

I-Roma 1:3

Sajay ya mapteng nga shamag ja naka pan‐ikowan, maypangkep nonta Anak ton si Jesucristo ja Apo tayo. No sota maypangkep ni katoo nen Cristo nonta kawasha tod ja dobong, si‐kato, nay‐anak shi poli nen Ari David nonta bayag da; no sota maypangkep ni kina‐Shiyos to ngo, inpa‐amta ni Ispirito Santo nen Apo Shiyos ey si‐kato sota Anak nen Apo Shiyos ja Manakabalin. Sota inpan‐ongal toy ka‐sasan to ey si‐kato ket Anak nen Apo Shiyos.

I-Roma 4:13

Sota inkari nen Apo Shiyos so nen Abraham nonta bayag da ey si‐kato tan sota poli to ali i ontawid so niya dobong, aliẃen na nay‐awat son si‐kato ja sobadit nonta inpangonod to so ni bilin nen Apo Shiyos ja nay‐awat so ni Hodiyos. No diket say kabol la inkari‐an to so, sota inpamati nen Abraham son si‐kato. Sotan i kinosto‐an son Apo Shiyos son si‐kato.

I-Roma 9:5

Si‐karay poli nonta mismon sampolo tan showen annak nen Israel, jet si Cristo ja inbetkag ali nen Apo Shiyos, no maypangkep ni kinatoo to, edapo met laeng shi poli nen Israel; isonga kait sha met laeng si Cristo. Jet si Cristo, ja Shiyos met laeng, si‐katoy Kangeto‐an so ni emin, tan si‐kato pay i mayshedjaw ingkatod ingka! Siya, satan da.

I-Galasia 3:16

Iyay i olog nontan den arig. Sota kari nen Apo Shiyos ja inkari to son Abraham, si‐kato ni olay; eg mebedin na sheshalen nonta bilin ton inpan‐onod to. Ta sotan na bilin, na‐onod ja araẃi ni epat ta dasos tan tedon polon tawen asan may‐awat. No kaspangarigan, say bindisiyon nen Apo Shiyos ja inkari to ey i‐akan to ket, i‐akan to ja sobadit ni pengonod tayo nonta kowan ni bilin to, aliẃa malen kari i itsora to, ta singa naydigatan. Nem say pengeẃat tayo nonta bindisiyon nen Apo Shiyos, si‐katoy tongpal nonta kari to son Abraham. (Say sakey pay ya kaytoshongan nonta arig ga inkowan ko la, sota ira kari nen Apo Shiyos, si Abraham i nay‐awatan to, tan sota poli to. Nem eg inkowan nen Apo Shiyos ey sota eshakel la poli ali nen Abraham i i‐awatan to so, no diket sakey bengat ja poli to, jet say kaytoshongan nonta sakey ya poli ja kowan nen Apo Shiyos, si Cristo.)

1 Timoteo 2:5

Ta si Apo Shiyos, sakey to, enshiy eshom ma Shiyos et sakey ngo bengat i mengi‐sop ni too so nen Apo Shiyos, enshiy eshom — si Cristo Jesus bengat, ja mismon too.

2 Timoteo 2:8

Karam dibdibkan sota mapteng nga shamag ja naka ikokowan so ni totoo, ey si Jesucristo ket etey nem nanbiyag mowan. Tan naka itoro pay ey si‐kato sota poli nen Ari David nonta bayag da.

Inpa-Amta Nen Jesucristo 22:16

Jet kowan nen Jesus son si‐kak ey, “Si‐kak si Jesus ja engibetkag ni anghil ko ja mengikowan niyay son si‐kam et isodat mo ngo so nonta ira emati son si‐kak ja ẃared ma ka‐ili‐ili. Si‐kak, say polin edapo‐an ko, si Ari David nonta bayag da. Si‐kak sota may‐eshig ey talaw wa mamowas ja maniyal.” Kowan nen Apo Jesus.