San Lucas 9:51 - Dibshon Mengi-kan Ni Pansigshan

⁵¹ Idi nay‐esop ma sota timpon i‐oli nen Jesus shi dangit, ninemnemnem to ey kenshat ta ondaw shi Jerusalem.

San Lucas 9:51 Iomraidhean Croise

San Marcos 16:19

Jet si Apo Jesus, idi naksheng nga inkowan to iyay son si‐kara, inda ma nen Apo Shiyos shi naykayang et en timongaw shi apit ni kanawan nen Apo Shiyos.

San Lucas 12:50

Waray bonjag alin mepesamak son si‐kak et enshiy talnak ingkatod meksheng.

San Lucas 13:22

Si Jesus, nantoro shi emin na dogad ja shindan to nonta dimaw shi Jerusalem.

San Lucas 17:11

Idi emandaw si Jesus shi Jerusalem, nanshalan shi nankinaw‐an ni Samaria tan Galilia.

San Lucas 18:31

Inpata‐nil nen Jesus ira sota sampolo tan showa ja apostol to et a‐abos sha ma. Jet kowan to son si‐kara ey, “Itnengi jo iya ikowan ko son si‐kayo. Ondaw kito shi Jerusalem et emin sota insolat ira nonta para padto nen Apo Shiyos nonta bayag da maypangkep nonta kowan sha ey Anak ni Too, metongpal son si‐kak.

San Lucas 19:11

Nonta ẃares Jesus shi Jiriko ja nay‐esop shi Jerusalem, kowan ira nonta karakdan na totoon emengitneng son si‐kato ey no onmotok si Jesus shi Jerusalem, mayshoki ma sota pantoshayan nen Apo Shiyos. Nem say kowan to son si‐kara, eg nin metongpal sota namnama sha. In‐arigan to ira, ja kowan to ey,

San Lucas 19:28

Sajay i arig ga inkowan nen Jesus son si‐kara, asan ka‐edaw shi Jerusalem, ja epangdo ey say si‐kara.

San Lucas 24:51

Jet idi maramen toka panbindisiyoni ira, indekjas to iren kimayang mala shi dangit.

San Lucas 9:57

Idi ireka man‐ekad, ẃaray toon kowan to son Jesus ey, “Angken toway daẃan mo, mekidawak son si‐kam.”

San Juan 13:1

Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on‐oli ma so nen Ameto shi dangit. Nontan na timpo i pengipa‐sas to ey enshiy kolang ni semek to so ni totoo ton ẃared ja dobong, ta sigod ja ensemek to ngoreshan ira.

San Juan 16:28

Si Amak ka ẃared dangit i edapo‐an ko di, jet niman si‐kato met laeng i odi‐an ko.” Sajay i inkowan nen Jesus.

San Juan 16:5

Niman, ikowan ko ma son si‐kayo ta on‐oli‐ak ma so nen Amak ja engibetkag alid jay son si‐kak. Nem angken sakey son si‐kayo, enshiy en engibegka son si‐kak no ngantoy panbenagan ni idaw kod ma daẃan ko.

San Juan 17:11

Niman, idekjas ko iya dobong, jet on‐oli‐ak da son si‐kam. Nem saja ira took ja in‐awat mo son si‐kak, mebay‐an nin ira shiya dobong, jet si‐kam Ama, i maka‐amta ja mengajowan son si‐kara. Si‐kam i napno‐an ni emin na kinamapteng; isonga i‐osal moy panakabalin mo, say manseksekey ira ja inges toy inpansaksakey ta.

San Juan 6:62

No bilang ey asen jowakka emankedjang ja on‐olid dangit, ikotot jowak pay laeng ngata?

Inpaspasing 1:2

ingkato nonta akew wa indaw to la shi dangit. Nonta aneng nin i idaw to led dangit, inshalan ni Ispirito Santo jet inkowan toy pesing ira nonta pinidi ton too to ja apostol.

Inpaspasing 1:9

Idi enaksheng nga inkowan to iyay, kimayang ja indekjas to ira et dimaw shi dangit, jet binoja nonta ira apostol to i toka pankedjang ingkatod eg ma mayshedmang, ta dinikopan ni kolpot.

I-Pilipos 3:14

Isonga naka takal say posposen ko sota pengintegan ni bebtiken ko, say ẃaray eẃaten ko ngon primiyo. Si Apo Shiyos, si‐katoy emili son si‐kak ja mansilbi so nen Cristo Jesus et si‐kato met laeng i mengi‐kan ni primiyok da shi dangit.

1 Timoteo 3:16

Mapteng noman nga agpayso i pamati ja inpa‐amta nen Apo Shiyos son si‐katejo pangkep so nen Cristo Jesus, ta si Jesus nontan, nay‐anak shi too et tinongpal ton emin sota inpangitorong ni Ispirito Santo nen Apo Shiyos son si‐kato, jet inon‐an ira ni anghil. Jet niman, emankaitoron emin i maypangkep son si‐kato shi emin na sakop ni dobong, jet eshakel iray emati. Jet nay‐oli ja dimaw shi dangit ja kad‐an nen Apo Shiyos.

Hodiyos 12:2

Jet topogen tayo ja si Jesus i nemnemen tayo, ta si‐katoy nanshogi‐an ni pamati tayo, jet si‐kato met laeng i onoren tayo ingkatod meksheng. Jet anam ton si‐katoy onoran tayo, ta inenosan toy digat nonta naydansa shi koros, ta amta to ey ẃaray mapmapteng ja naysagana shi dangit ja para son si‐kato; isonga angken na dinamsis sha tan binebaingan sha, inenosan to. Jet niman, ẃara ma shi petek ni kanawan nonta tinongawan nen Apo Shiyos, jet si‐kato ngo ma i Kangeto‐an na toray.

1 San Pedro 3:22

Idi nan‐ongal si Jesucristo, dimaw da shi dangit jet ẃara niman shi petek ni kanawan nen Apo Shiyos, ja emekitoshay son si‐kato. Intorayan ton emin sota ẃared dangit: sota ira anghil tan sota eshom ma ẃaray saad to ono panakabalin to.