San Lucas 9:44 - Dibshon Mengi-kan Ni Pansigshan

⁴⁴ “Karejo dibdibkan koma iya ikowan ko son si‐kayo, ta aliẃen kanayon iyay ya pengiredjaw sha. Si‐kak sota kowan ni para padto nonta bayag da ey Anak ni Too, nem may‐eẃatak so nonta ira toon makakontra son si‐kak.”

San Lucas 9:44 Iomraidhean Croise

San Mateo 16:21

Jet manshoki ma nontan, kaipinpinshowa nen Jesus so nonta ira too to ey mesepol la ondaw shi Jerusalem, jet kowan to ey manda‐kam shiman ni eshakel la digat, ta sota ira pangolo ni Hodiyos, tan sota ira apo ni papashi, tan mamaistoro ni dinteg, bedawen sha kono, et anongosto ma ey bono‐en sha. Nem kowan to ey no maykatdon akew, manbiyag mowan.

San Mateo 26:2

“Amtayo, no ondabas i showen akew, medeka sota piyasta tayon Hodiyos ja kowan tayo ey Paskowa, jet si‐kak ja kowan ni para padto ey Anak ni Too, may‐eẃatak so ni toray say maydansa shi koros.”

San Marcos 8:31

Jet manshoki ma nontan, kaipinpinshowa nen Jesus so nonta ira too to ey siyen si‐kato sota naypadton Anak ni Too, nem mesepol met laeng nga manda‐kam ni eshakel la digat, ta sota ira pangolo ni Hodiyos, tan sota ira apo ni papashi, tan mamaistoro ni dinteg, bedawen sha kono, jet anongosto ma ey bono‐en sha. Nem kowan to ey no maykatdon akew, manbiyag mowan.

San Marcos 9:31

tep ẃaray toka pan‐itoro nontan so nonta ira too to, ja kowan to ey, “Si‐kak sota kowan ni para padto nonta bayag da ey Anak ni Too, nem may‐eẃatak so nonta ira toon makakontra son si‐kak, jet si‐karay memono son si‐kak. Nem no maykatdon akew ni ibono sha‐ak so, manbiyagak met laeng.”

San Lucas 1:66

Emin ira sota engitneng, kowan sha ey ẃares Apo Shiyos so nonta nga‐nga. Jet kowan sha ey, “Ngaranto emoy panbedinan ali niyay ya nga‐nga?”

San Lucas 18:31

Inpata‐nil nen Jesus ira sota sampolo tan showa ja apostol to et a‐abos sha ma. Jet kowan to son si‐kara ey, “Itnengi jo iya ikowan ko son si‐kayo. Ondaw kito shi Jerusalem et emin sota insolat ira nonta para padto nen Apo Shiyos nonta bayag da maypangkep nonta kowan sha ey Anak ni Too, metongpal son si‐kak.

San Lucas 2:19

Nem si Maria, eg to dibkan iyay ya epalabas, no diket ninemnemnem to ni olay.

San Lucas 2:51

Jet si Jesus, ekidaw son si‐kara ja imakad shi Nasarit, ja toka pati‐en emin i kowan sha son si‐kato. Si ineto, emin iyay ya banag, toka nemnemnema shi poso to.

San Lucas 24:44

Jet kowan to son si‐kara ey, “Say inkowan ko nonta ẃara‐ak pay laeng son si‐kayo, emin sota naysolat ja maypangkep son si‐kak nonta bayag da shi bilin nen Moises tan shi solat ira nonta para padto, tan shi dibsho pay ni Salmo, mesepol la metongpal.”

San Lucas 9:22

Tan inkowan to pay ey, “Si‐kak sota kowan ni padto nonta bayag da ey Anak ni Too. Nem mesepol la manda‐kamak ni eshakel la digat, ta sota ira pangolo ni Hodiyos, tan sota apo ni papashi, tan mamaistoro ni dinteg, bedawen sha‐ak et anongosto ma ey bono‐en sha‐ak. Nem no maykatdon akew, man‐ongalak met laeng.”

San Juan 16:31

Jet si Jesus, simongbat ja kowan to ey, “Jet niman, kayoka mala ememati son si‐kak?

San Juan 16:4

Insigod ko iyay ya inkowan son si‐kayo say no onsabi sotan na digat ja dag‐en sha son si‐kayo, eg kayo messhaaw, no diket nemnemen jo iyay ya inkowan ko son si‐kayo. “Ekak inkowan iyay son si‐kayo nonta pilmiro ta ẃara‐ak nin son si‐kayo.

San Juan 19:11

Simongbat si Jesus, ja kowan to ey, “Si‐kam, enshiy nebeng mo son si‐kak, no si Apo Shiyos ket eg to itolok ja may‐eẃatak son si‐kam. Isonga sota toon engilaw son si‐kak alid jay son si‐kam, mas ebadbadeg i basol to, ey say si‐kam.”

Inpaspasing 2:23

Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

Hodiyos 2:1

Isonga mesepol la nemnemnemen tayon pasiya sota podnon toro ja intenengan tayo, ta baka et ey dibkan tayo jet nakol ni eshawi‐an tayo sota kekosto‐i nen Apo Shiyos.