San Lucas 9:41 - Dibshon Mengi-kan Ni Pansigshan

⁴¹ Simongbat si Jesus ja kowan to ey, “Enshiy pamatiyo eshan, ap‐apil kayon too! Ebayagak met shiyay ja eman‐enos son si‐kayo, nem eg jo pay laeng pati‐en i panakabalin nen Apo Shiyos! Ilaw mo did jay sota anak mo!”

San Lucas 9:41 Iomraidhean Croise

San Mateo 11:28

Jet kowan to pay ey, “Si‐kayon nayda‐karan ni toro ni eshom, daw kayo ali son si‐kak ja manbedin ni took. May‐eshig ey singa engaksiw kayo ni kalka ja eg jo posi‐en. Daw kayo ali son si‐kak et pan‐ibdey takejo ni digat jo.

San Mateo 12:39

Nem si Jesus sinongbatan to ira ja kowan to son si‐kara ey, “Ngaaw iray aramid ni too ma niman, eg sha nemnemen si Apo Shiyos! Say shaka pan‐ibaga, sota milagro ta kowan sha ey si‐katoy asanan sha so no agpayson si Apo Shiyos i engibetkag son si‐kak. Nem enshiy milagro ja en maypa‐sas son si‐kara niman! Say pengamta‐an jo ey inbetkag towak ali nen Apo Shiyos, no onsabi son si‐kak sota inges toy epasemak so nen Jonas, ja para padto nonta bayag da.

San Mateo 12:45

Say pesing to, ondaw ja en mengodop ali ni piton kait to ja nankekedsel ey say si‐kato, jet onsekep iren man‐iyan nodtan na too. Jet sotan na too, mema‐may kasesaad to nem say nonta pilmiro. Sajay i kay‐eshigan ni si‐kayon too niman ta nankekedsel kayo.”

San Mateo 16:4

Ngaaw iray aramid ni too ma niman, eg sha nemnemen si Apo Shiyos! Say shaka pan‐ibaga et ngo mowan, sota kowan sha ey asanan sha so no si Apo Shiyos i podnon engibetkag son si‐kak ali. Nem enshiy milagro ja en maypa‐sas son si‐kara niman. Say pengamta‐an jo ey inbetkag towak ali nen Apo Shiyos, no onsabi son si‐kak sota inges toy epasemak so nen Jonas, ja para padto nonta bayag da.” Sajay i kowan nen Jesus asan toka ira ilekjas.

San Mateo 17:17

Jet si Jesus, kowan to ey, “Enshiy pamatiyo eshan, ap‐apil kayon too! Ebayagak met shiyay ja eman‐enos son si‐kayo, nem eg jo pay laeng pati‐en i panakabalin nen Apo Shiyos! Ilaw mo did jay son si‐kak sota nga‐nga.”

San Mateo 23:36

Ikowan ko son si‐kayo ey emin iyay ya dingdingka ni apo jo nontan da, si‐kayon too niman i mengikesho.

San Mateo 3:7

Nem idi inon‐an nen Juan ira sota Parisiyo, tan sota ira Sadosiyo, ja emandaw son si‐kato, ja kowan sha ey ira manpabonjag ngo son si‐kato, kowan nen Juan son si‐kara ey, “Si‐kayo, singa oleg i ogadiyo! Say kowan jo emo, mebedin na disi‐an joy penosa nen Apo Shiyos no manpabonjag kayo bengat?

San Marcos 10:14

Nem idi inon‐an nen Jesus iyay, ngaaw i dekna to, jet inkowan to son si‐kara ey, “Baybay‐iyo ira di sota a‐anak ja ondaw ali son si‐kak; eg jo iparit. Tep inges iren jay ya a‐anak bengat ja ekombaba i mayda‐kam shi pantoshayan nen Apo Shiyos.

San Marcos 10:49

Kimi‐neng si Jesus et kowan to ey, “Tawal jo alid jay.” Jet tina‐ẃal sha sota ekorab, ja kowan sha ey, “Pan‐imdeng ka, ta tokaka panta‐ẃala. Etan ka.”

San Marcos 9:19

Jet si Jesus, kowan to ey, “Enshiy pamatiyo eshan! Ebayagak met shiyay ja eman‐enos son si‐kayo, nem eg jo pay laeng pati‐en i panakabalin nen Apo Shiyos! Ilaw jo did jay son si‐kak sota nga‐nga.”

San Lucas 8:25

Jet kowan to so ira nonta too to ey, “Apay nga kolang i pamatiyo?” Nem nasshaaw ira, tan entakot ira, jet kowan sha ni sakey tan sakey son si‐kara ey, “Sipa emo iyay ya too? Toka pesalsheng iray shagem tan shadoyon ni baybay et shaka pati‐a!”

San Lucas 9:40

Inkowan ko nonta ira toom ey pebtik sha sota dimonyo, nem eg sha met binaalan.”

San Lucas 9:42

Idi eman‐ekad sota nga‐nga ja to sebi‐en si Jesus, sota dimonyo, inbes‐ig tod bo‐day, tan inpankenkenteg to. Si Jesus, inkowan to so nonta dimonyo ey, “Betik ked ta nga‐nga!” Jet bimetik nga agpayso. Jet mimapteng sota nga‐nga. Kowan nen Jesus so nonta ama nonta nga‐nga ey, “Iya, i‐ekad mo iya anak mo.”

San Juan 14:9

Si Jesus, simongbat ja kowan to ey, “Felipe, ebayag ga naykadẃa‐ak met son si‐kayo, ket eg mowak pay laeng gayam amta? Sota engasas son si‐kak, amtara may itsora nen Amak. Apay nga ikowan mo ey ipa‐sas kos Amak son si‐kayo?

San Juan 20:27

Jet kowan to ma so nen Tomas ey, “Asas mo iya takday kon imbot ni dansa, jet iga‐ẃat mo diy kalomot mo. Tan iga‐ẃim pay ali ita takday mo jet iro‐dog mod ja tagdang kon esogat. Kareka manshowashowa, no diket pamati ka et.”

Inpaspasing 13:18

Jet nonta naksheng nga indekjas shay Egypt, epat ta polon tawen ja inenosan nen Apo Shiyos i emin na dingdingkara nodta nan‐ak‐akshan shen dogad ja enshiy balebaley.

Inpaspasing 2:40

Jet si Pedro, eshakel pay i adok to so nonta totoo, ja kowan to ey, “Mesepol la itolok jon si Apo Shiyos i mengisedakan son si‐kayo, say eg tokejo pekishosa so ira niya toon ngaaw i aramid sha.”

I-Roma 2:4

Say kowan to emo, eg shosa‐en nen Apo Shiyos tep na‐anos si Apo Shiyos, tan masmek pay ni too; kowan to emo nem pasinsiya‐an nen Apo Shiyos. Nem say nemnemen to koma, sota ebadeg ga semek nen Apo Shiyos so ni too ket piyan ton say manbebawi koma ira ni maypangkep ni basol sha.

Hodiyos 3:19

Jet niman, amta tayo ma ey eg mebedin na mayda‐kam ira nontan da nodta panmaptengan sha ja inkari nen Apo Shiyos, ta eg ira met emati son si‐kato.

Hodiyos 4:11

Isonga niman, iparas tayoy kabaalan tayon mayda‐kam koma nodta panmaptengan ja i‐akan nen Apo Shiyos. Aliẃa komen tayo ingesen sota inpasing nonta ira too ja eg emati nonta bayag da, tep no ingesen tayo ira, ingesen tayo ira ngon meshosa.

Hodiyos 4:2

Ta intenengan tayo sota mapteng nga shamag ja kowan nen Apo Shiyos, jet si‐kato met laeng sota intenengan sha nontan da. Nem sajay ya intenengan sha, enshiy nanmaptengan sha, tep intenengan sha bengat ja eg sha pinati.

Hodiyos 7:25

Isonga niman ma, tan angken nganton timpo ali, mebedin na isalakan to ira sota emanshinel son si‐kato ja si‐katoy mengi‐sop son si‐kara son Apo Shiyos, ta si‐kato, ẃara ni olay shi biyag, ja emengita‐shel son si‐kara so nen Apo Shiyos.