San Lucas 9:32 - Dibshon Mengi-kan Ni Pansigshan

³² Si Pedro tan sota ira kait to, en‐amis i ogip sha, nem ebangon ira et inon‐an shay inniyal nen Jesus, tan sota showen too ja toka pantabtabala.

San Lucas 9:32 Iomraidhean Croise

San Marcos 14:40

Jet nay‐oli mowan ali jet simbi to ira sota too to ja na‐ogip, ta epaladoy jo‐kew sha. Jet eg sha amtay isongbat sha son si‐kato.

San Juan 1:14

Sotan na sigod ja ẃara son Apo Shiyos, ja engipa‐amta ali ni maypangkep son Apo Shiyos, nanbalin ni too, jet eki‐iyan son si‐katejon too. Inon‐an min mismoy kina‐Shiyos to — sota kina‐Shiyos ja in‐akan nen Ameto ta si‐kato bengat i Anak to. Emin na inon‐an min dingka to, ma‐sas ni olay ey ebadeg i semek to tan podnon emin i kowan to.

San Juan 17:24

Ama, si‐kam i engi‐ẃat ira niyay ya too son si‐kak, jet say piyan ko, ondaw ngo ira shi dangit ja daẃan ko, say asen sha sota shayaw ja in‐akan mo son si‐kak, nonta pilmiro ja eg pay laeng epalsowa iya dobong. Sajay i inpasing mo nontan da ta ensemek mowak ngoreshan.

2 San Pedro 1:16

Sajay ya intoro mi son si‐kayo maypangkep nonta kaskasshaaw wa indaw ali nen Jesucristo ja Apo tayo, aliẃen istoriya ja inemag ni toon edaing. Sajay ya indaw to di, etaksholan ni panakabalin nen Apo Shiyos. Sajay, amta min apostol ta inon‐an min mismoy kaskasshaaw wa itsora ni bakdang to,

1 San Juan 3:2

Si‐kayon kait kod pamati ja ensemek ko, amta tayo ey annak shakito nen Apo Shiyos, nem niman, eg to pay inpa‐amta son si‐katejo no ngantoy panbedinan tayo di. Nem amta tayo ey no onmotok alis Cristo, asen tayon mismo, jet ingesen tayo may itsora to.