San Lucas 9:29 - Dibshon Mengi-kan Ni Pansigshan

²⁹ Idi maramen emansheẃat si Jesus, nanbaliw i itsora ni dopa to. Angken pay sota baro to, nanbalin ni empotin pasiya ja emenenili.

San Lucas 9:29 Iomraidhean Croise

San Mateo 17:2

Jet idi mimotok ira nodtan, inon‐an shen nanbaliw i itsora nen Jesus ja emenenili. Singa sekit i itsora ni dopa to jet sota baro to, empotin pasiya.

Inpa-Amta Nen Jesucristo 20:11

Jet ẃaray inon‐an kon ebadeg ga empotin tongawan et ẃaray timongaw nodtan. Jet say dobong, tan sama ẃared naykayang, na‐omas ira tep singa eg sha itoled i kawasha nonta timongaw nodta empotin tongawan. Sota dobong, tan sama naykayang, kolpin na‐enshi mala.

Inpaspasing 6:15

Jet emin ira sota esa‐nop ja timanongaw nodta shaka pemistigali, intekel sha si Esteban et say inpangasas sha ni dopa to, singa dopa ni anghil.

San Juan 1:14

Sotan na sigod ja ẃara son Apo Shiyos, ja engipa‐amta ali ni maypangkep son Apo Shiyos, nanbalin ni too, jet eki‐iyan son si‐katejon too. Inon‐an min mismoy kina‐Shiyos to — sota kina‐Shiyos ja in‐akan nen Ameto ta si‐kato bengat i Anak to. Emin na inon‐an min dingka to, ma‐sas ni olay ey ebadeg i semek to tan podnon emin i kowan to.

San Marcos 16:12

Idi naksheng iyay, nanpa‐sas mowan si Jesus so ni showen too to ja eman‐ekad ja edapod siyodad ni Jerusalem. Jet na‐apil i inpangidmang sha son si‐kato.

San Lucas 3:21

Idi sakey ya akew, ja naksheng iren emin sota totoo ja nanpabonjag, nanpabonjag ngos Jesus so nen Juan. Idi naksheng, nanshawat si Jesus son Apo Shiyos, jet idi maramen emansheẃat, edo‐katan i dangit.

San Lucas 5:16

Nem indekjas to sota eshakel la totoo et dimaw shima dogad ja nay‐araẃid kawad‐an ni totoo, ja en nanshawat so nen Apo Shiyos.

San Lucas 6:12

Nontan na timpo, dimaw si Jesus shi shontog ja en nanshawat ni sandabi son Apo Shiyos.

San Lucas 9:18

Nonta sakey ya akew, dimaw sota too nen Jesus son si‐kato nonta toka pansheẃat son Apo Shiyos, ni abos to. Jet inbag‐an to ira, ja kowan to ey, “Ngarantoy kaikowan ira ni totoo ni maypangkep son si‐kak? Eg sha aya tabtabalen nem sipa‐ak?”

San Lucas 9:30

Jet ebiglen ẃaray showen too ja emekitbal son si‐kato, ja si Moises nen Elias.