San Lucas 9:19 - Dibshon Mengi-kan Ni Pansigshan

¹⁹ Jet sota ira too to, simongbat ira ja kowan sha ey, “Eg met nan‐i‐inges i shaka ikowan. Say kowan ni eshom, si‐kam kono si Juan ja para bonjag ja etey da, nem sota ira eshom, kowan sha ey si‐kam si Elias ono sakey so nonta ira eshom ma para padto nonta bayag da ja nanbiyag mowan ali shi patey.”

San Lucas 9:19 Iomraidhean Croise

San Mateo 14:2

Jet kowan to so nonta baga‐en to ey, “Sajay ya shinemag kon milagron toka dagdag‐a, sigosho si‐kato si Juan da ja para bonjag. Nanbiyag emo shi patey, isonga ẃaray panakabalin ton mandeka ni milagro.”

San Mateo 3:1

Nontan na timpon ẃares Jesus shi Nasarit, ẃaray toon emantosho shima sakop ni Jodia ja nay‐araẃi shi kad‐an ni totoo. Jet say awag sha so nontan na too, si Juan ja para bonjag.

San Marcos 6:14

Nontan na timpo, si Ari Hirodis, shinemag to sota maypangkep ni dingdingka nen Jesus, tep pan‐i‐etek ni karakdan na too si Jesus, jet kowan to ey, “Sajay ya shinemag kon too, sigosho si‐kato emo si Juan da ja para bonjag. Nanbiyag emo shi patey, isonga ẃaray panakabalin ton mandeka ni milagro.”

San Marcos 6:15

Nem say kowan ngo ni eshom, si‐kato si Elias ja para padto nonta bayag da, tan sota ira eshom pay, say kowan sha, si‐kato konoy para padto nen Apo Shiyos ja inges nonta nankepangdo len para padto nonta bayag da.

San Lucas 9:18

Nonta sakey ya akew, dimaw sota too nen Jesus son si‐kato nonta toka pansheẃat son Apo Shiyos, ni abos to. Jet inbag‐an to ira, ja kowan to ey, “Ngarantoy kaikowan ira ni totoo ni maypangkep son si‐kak? Eg sha aya tabtabalen nem sipa‐ak?”

San Lucas 9:20

Jet si Jesus, inbag‐an to ngo ira sota too to, ja kowan to ey, “Jet si‐kayo ngay? Ngaranto ngoy kowan jo ni maypangkep son si‐kak?” Simongbat si Pedro ja kowan to ey, “Si‐kam sota inpadtora nonta bayag da ey ibetkag ali nen Apo Shiyos ja mengisedakan so ni totoo.”

San Juan 1:21

Insho‐petan sha pay ja kowan sha ey, “Jet sipa ka ngarod? Si‐kam sota naypadton ondaw ali ja maykadẃen idaw ali nen Elias?” Say songbat nen Juan, “Enshi, aliẃen si‐kak.” Jet kowan sha mowan son si‐kato ey, “No kasta, si‐kam ali sota para padton tayoka sesseskeren ibetkag ali nen Apo Shiyos?” Simongbat si Juan ja kowan to mowan ey, “Aliẃen si‐kak.”

San Juan 1:25

kowan sha pay so nen Juan ey, “Apay ngarod nga kaka memonjag, no aliẃen si‐kam sota naypadton ibetkag ali nen Apo Shiyos, ono sota mengibengon son Elias, ono sota para padton tayoka sesseskera ja ondaw ali?”

San Juan 7:40

Idi intenengan ira nonta totoo iyay ya inkowan nen Jesus, kowan ira nonta eshom ey, “Siya, sajay nga agpayso sota para padto ja tayoka sesseskesha.”

San Juan 9:17

Isonga sota ira Parisiyo, inbag‐an sha mowan iya toon istay ekorab, ja kowan sha ey, “Si‐kam ma istay ekorab, ngantoy moka pannemnem pangkep son si‐kato? Tep si‐katoy inpan‐asas son si‐kam.” Simongbat iya toon istay ekorab, ja kowan to ey, “Sotan na too, say kowan ko, para padto nen Apo Shiyos.”