San Lucas 9:12 - Dibshon Mengi-kan Ni Pansigshan

¹² Idi enasẃil malay akew, sota apostol ton sampolo tan showa, dimaw ira di son si‐kato et kowan sha ey, “Apo, pansisi‐jan mo ira jay ya totoo say ira di koma mengenap ni kenen sha tan ka‐okipan sha shima balebaley ja nay‐askang shiyay, tep araẃi met iyay ya dogad shi kebalebaley.”

San Lucas 9:12 Iomraidhean Croise

San Mateo 14:13

Idi naksheng ja insodsod sha son Jesus iyay, en nandogan shi bangka et indekjas to sotan na dogad. Dimaw ma shima naydesin na dogad ja enshiy totoo. Nem idi inamta‐an ira nonta toon ẃared ka‐ili‐ili sota dinaẃan to, nan‐akad ira ngo ja imonod son si‐kato.

San Mateo 15:23

Nem si Jesus, eg to sinongsongbatan. Anongosto ma ey kowan nonta too nen Jesus son si‐kato ey, “Pagi‐nan mo ga et ita bii; aliẃen en ontentened ali ja onkelkeljaw.”

San Mateo 15:32

Si Jesus, tina‐ẃal to ira sota too to jet kowan to son si‐kara ey, “Naka kaasi‐i ira ja totoo, ta tedon akew sha niman ja ẃared jay son si‐kak jet enshi may kenen sha. Ekak koston pa‐ekad ira ja eg nin engan, say eg ira onkapoy shi shalan.”

San Lucas 9:11

Nem idi inamta‐an nonta eshakel la too i tinoshong nen Jesus, inonod sha, jet si Jesus ineẃat to ira. Jet inkowan to son si‐kara i maypangkep ni pantoshayan nen Apo Shiyos, tan inpamapteng to sota ira emanpansekit.

San Lucas 9:13

Nem kowan nen Jesus son si‐kara ey, “I‐akniyo et ira ni kenen sha.” Jet kowan sha ey, “Eshakel met ira. Piyan mon kami menongkal ni kenen sha? Saja ẃara bengat shiyay, dimen boknol la tinapay tan showen piskaw.”

San Juan 6:1

Idi enshiy bayag to, si Jesus, bimaliw shima baybay shi Galilia, ono sota kowan sha ey Tibirias, jet dimaw nodta shemang to.

I-Pilipos 1:19

ta amtak ey sota emepespesamak son si‐kak, panmaptengan ko met laeng. Jet amtak ey metongpal ali sota mapteng nga panbenagan ko tep kayoka mansheẃat so nen Apo Shiyos ni pansigshan ko, tan sota tolong pay nonta Ispirito Santo nen Jesucristo.