San Lucas 8:48 - Dibshon Mengi-kan Ni Pansigshan

⁴⁸ Jet kowan ma nen Jesus son si‐kato ey, “Anak ko, say minaptengan mo, sota pamatim son si‐kak. Daw ka ja ẃara may talna son si‐kam.”

San Lucas 8:48 Iomraidhean Croise

San Mateo 12:20

Sota ira ekapoy, eg to ma‐ma‐en, no diket pekedsang to ira. Kaspangarigan ey sota singa silew ẃa emanko‐ko‐shep, eg to kolpi‐en na a‐shepen. Jet shi ka‐onoran, isaad toy toray to jet poro mapteng i maysa‐dat.

San Mateo 8:13

Jet si Jesus, kowan to so nonta kapitan ni solsharo ey, “Eti akad ka, medeka sota kowan mo ta emati ka.” Jet sota baga‐en nonta kapitan, mimapteng nga shagos nonta mismon inkowan nen Jesus iyay.

San Mateo 9:2

Jet nontan, ẃaray binangtal ali ni totoo jet sha in‐ilaw son Jesus. Sotan na toon in‐ilaw sha, eg makakeykey i bakdang to. Idi indasin nen Jesus ey ebadeg i pamatira, kowan to so nonta emansekit ey, “Pan‐imdeng ka kajem ko. Ta sota basol mo, epakaẃanan.”

San Mateo 9:22

Jet si Jesus, nanposipos et idi inon‐an to sota bii, kowan to ey, “Anak ko, say minaptengan mo, sota pamatim son si‐kak.” Jet nontan sota bii, nay‐inshas ja mimapteng.

San Marcos 5:34

Jet kowan ma nen Jesus son si‐kato ey, “Anak ko, say minaptengan mo, sota pamatim son si‐kak. Daw ka ja ẃara may talna son si‐kam. Na‐kal ma ita sakit mo.”

San Lucas 17:19

Jet say kowan nen Jesus son si‐kato, “Dayat ka et angken ondaw ka. Sota pamatim, si‐katoy minaptengan mo.”

San Lucas 18:42

Kowan nen Jesus son si‐kato ey, “Mebedin na man‐esas ka ma. Sota pamatim son si‐kak, si‐katoy kabol la pan‐esasan mo.”

San Lucas 7:50

Nem kowan nen Jesus so nonta bii ey, “Sota pamatim son si‐kak i naysalakanan mo. Daw ka ja ẃara may talna son si‐kam.”

San Lucas 8:47

Sota bii, idi inamta‐an to ey amta gayam nen Jesus, dimaw son Jesus ja emanbebayedbed ja en nantalimokod shi sango‐an to. Jet inkowan to shi sango‐an nonta ira eshakel la totoo nem ngantoy kabol la pinishatan to son Jesus, tan inkowan to ey na‐agasan shagos nonta inpirat to so.

Inpaspasing 14:9

Sajay ya toon epilay, ẃara nodtan na nanteneng ni pan‐ikowan nen Pablo. Jet si Pablo, intekel to iyay ya pasiya, jet idi indasin to ey kepati‐a niyay i panakabalin nen Apo Shiyos ja pemapteng son si‐kato,

2 I-Korinto 6:18

No sotan i dag‐en jo, si‐kak ma i Amejo, jet si‐kayo i annak kon daleki, tan annak kon bibii.” Sajay i kowan nen Apo Shiyos ja Manakabalin.

Hodiyos 4:2

Ta intenengan tayo sota mapteng nga shamag ja kowan nen Apo Shiyos, jet si‐kato met laeng sota intenengan sha nontan da. Nem sajay ya intenengan sha, enshiy nanmaptengan sha, tep intenengan sha bengat ja eg sha pinati.