San Lucas 8:3 - Dibshon Mengi-kan Ni Pansigshan

³ si Juana ja aseẃa nen Shosa ja emengimanshal shi baley nen Ari Hirodis, tan si Susana. Tan eshakel pay ira sota eshom ma bibiin timolong son Jesus tan sota ira too to ni kasapolan sha, ja engi‐kan ni ẃara son si‐kara.

San Lucas 8:3 Iomraidhean Croise

San Mateo 14:1

Nontan na timpo, si Ari Hirodis ja engitoshay ni Galilia, shinemag to sota maypangkep ni dingdingka nen Jesus.

San Mateo 14:3

Sajay i kowan nen Hirodis ta si‐katoy inpabono so nen Juan. Inpa‐shel to nontan et inpaibalod to ta inkowan nen Juan so nen Hirodis ey, “Parit shi bilin nen Apo Shiyos i pengesawam so nen Hirodiyas ja aseẃa nen Felipe ja agim!” Isonga inpa‐shel nen Hirodis si Juan ta pipiyan tos Hirodiyas.

San Mateo 14:6

Nem idi nonta birthday nen Hirodis, eshakel i bisita to ja ineẃis to, jet nontan, sota anak nen Hirodiyas ja marikit, nansada shi sango‐an shen emin et si Hirodis, eman‐imdeng nontan na dingka nonta marikit.

San Mateo 2:11

Simekep ira nodta baley et inon‐an sha sota san‐ina. Jet sota ira toon nankedaing ja edapod bedalan, nantalimokod ira ja nanshayaw son si‐kato. Jet inbo‐day sha sota inta‐jon sha ja nankebanol ja i‐akan sha so nonta nga‐nga, ja balitok, tan sota emanseng‐ew wa kowan sha ey insinso, tan mira.

San Mateo 20:8

Idi mama‐shem mala, sota makakokowa nonta gardin, inkowan to so nonta emengimanshal nonta ira man‐obda ey, ‘Ta‐ẃal mo di ira sota nan‐obda et dagbo‐im ira, manshoki nodta na‐onod ja mimotok ingkato nodta epangdo.’

San Mateo 25:40

Jet onsongbat sota ari ja kowan to ey, ‘Podno iya ikowan ko son si‐kayo. Sajay den inkowan ko, dingkayo so ira nonta kabeba‐an na kait ko, jet maybidang ey si‐kak i dingka‐an jo so nontan.’

San Mateo 26:11

Sota ira nankebiteg, ẃara ni olay son si‐kayo, isonga mebedin na todongan jo; nem si‐kak, eg mebedjag i pekikadẃak son si‐kayo.

San Mateo 27:55

Eshakel ira sota bibiin ẃara nodta naybabetaw ja engikadmang niyay ya epasemak. Sajay iren bibii, tinodongan shes Jesus alid Galilia.

San Lucas 24:10

(Say ngaran ira nonta bibiin en engikowan so nonta ira apostol nen Jesus, sajay: si Maria Magdalena, si Joana, tan si Maria ja ina nen Santiago, tan ẃara pay i eshom ma kait sha.)

San Juan 12:6

Nem kekaskasin ẃaray kepengisekit nen Judas; nem enshi kari i toka pengisekit ni nankebiteg. Si‐katoy para egshi ni pilak nonta totoo nen Jesus, jet sota eshom ma pilak ja ẃara nodta ijanan, toka pankibota.

Inpaspasing 13:1

Shima Antiok ja kawad‐an ira nonta emati, ẃara son si‐kara sota emengipa‐amta ni panpa‐amta nen Apo Shiyos son si‐kara, tan sota eshom ma para toro, jet sajay iray ngaran sha: si Bernabe, si Simeon ja Tolingan i sakey ya ngaran to, si Lucio ja i‐Sirini, si Manaen ja tagibi ni ama nen Hirodis ja gobinarol shi Galilia, tan ẃara son si‐kara si Saulo.

2 I-Korinto 8:9

Eg mesepol la piditen takejo ta amtayo met sota maypangkep ni kaasi nen Jesucristo ja Apo tayo. Si‐kato, baknang nontan da shi dangit, nem inbaba toy bakdang to ja nanbalin ni ebiteg kabol ni pansigshan jo. Jet niman ma, si‐kayoy may‐eshig ey baknang.

I-Pilipos 4:22

Jet emin ira sota ematid ja ilin kawad‐an ko, agdalo sota ira ematin ẃared baley ni ari, sotan met laeng i kowan sha.

1 Timoteo 5:10

Nem mesepol mowan na sota enshiy ngaaw wa ogadi to ja kebedawa ni eshom, tan sota inajowanan toy anak to ja inpaba‐deg, sota amta ton menintil ni bisita to, sota kaontolong pay so nonta ira kait ton emati, sota amta ton mengajowan ni maligdigat, tan sota kaontolong shi emin na mapteng nga obda.