San Lucas 8:24 - Dibshon Mengi-kan Ni Pansigshan

²⁴ Dimaw ira son Jesus, sha binengon jet kowan sha ey, “Apo! Apo! Shanshani kito men metey!” Si Jesus, bimangon et inkowan to so nonta shagem tan makedsang nga shadoyon ni baybay ey onsalsheng et simalsheng nga agpayso, tan timalna ma.

San Lucas 8:24 Iomraidhean Croise

San Mateo 14:30

Nem idi dekna‐en nen Pedro ey makedsang i shagem, timakot jet istay ya emanka‐neng. Kimeljaw ja kowan to ey, “Apo atngimak!”

San Mateo 8:25

Sota ira too to, sha binengon si Jesus, ja kowan sha ey, “Apo! Isedakan jokami! Shanshani kiton metey!”

San Marcos 4:39

Bimangon si Jesus et inkowan to so nonta makedsang nga shagem ey onsalsheng, tan inkowan to so nonta shadoyon ey, “Enog! Salsheng ka!” Jet simalsheng nga agpayso sota shagem jet timalna men kosto sota baybay.

San Lucas 4:35

Si Jesus, sinelkag to sota dimonyo, ja kowan to ey, “Eka‐eket ka! Ilekjas mo ita too!” Jet sota dimonyo, inbes‐ig to sota too nodta naykawa ira nonta totoo jet indekjas to sota too. Nem pesed da, eg to sinekitan.

San Lucas 4:39

Si Jesus, dimaw, ja to inon‐an nodta katiri to, jet inkowan to nonta sakit ey ma‐kal et na‐kal la agpayso. Jet bimangon na shagos sota bii et inkamakaman to ira.

San Lucas 5:5

Kowan nen Simon ey, “Apo, nan‐obda kamin pasiya ni sandabi, nem enshin polos i mi kinna. Nem no si‐katoy kowan mo, iparas kon i‐ekas.”

San Lucas 8:25

Jet kowan to so ira nonta too to ey, “Apay nga kolang i pamatiyo?” Nem nasshaaw ira, tan entakot ira, jet kowan sha ni sakey tan sakey son si‐kara ey, “Sipa emo iyay ya too? Toka pesalsheng iray shagem tan shadoyon ni baybay et shaka pati‐a!”