San Lucas 8:22 - Dibshon Mengi-kan Ni Pansigshan

²² Idi sakey ya akew, si Jesus, en nandogan shi bangka, pati sota ira too to, jet kowan to son si‐kara ey, “Ondaw kitejo shima piig niya baybay.” Jet dima‐jat ira.

San Lucas 8:22 Iomraidhean Croise

San Mateo 14:22

Idi naksheng iyay, inkowan to so nonta ira too to ey, “Pandogan kayod ma bangka et angken mepangdo kayon ondaw shima shemang ni baybay. Jet si‐kak, pansisi‐jan ko nin ira ja eshakel la totoo.”

San Mateo 8:18

Idi inon‐an nen Jesus sota eshakel la toon nandikmot son si‐kato, inkowan to so nonta too to ey, “Eti, ondaw kito shima piig ni baybay.”

San Marcos 5:21

Nandogan si Jesus shi bangka et bimaliw shima naymamang nga kilig ni baybay. Jet sota eshakel la too, esa‐nop ira son Jesus nodta kilig ni baybay ja nandisaagan to.

San Marcos 6:45

Idi naksheng iyay, inkowan nen Jesus so nonta ira too to ey, “Pandogan kayod ma bangka et angken mepangdo kayon ondaw shima shemang niya baybay, shima siyodad ni Bitsaida. Jet si‐kak, pansisi‐jan ko nin ira ja eshakel la totoo.”

San Marcos 8:13

Sajay i kowan nen Jesus asan toka ira ilekjas. Nandogan mowan shi bangka et dima‐jat iren ondaw nodta shemang ni baybay.

San Lucas 5:1

Idi sakey ya akew, ẃara si Jesus nodta kilig ni baybay ni Ginasarit et sota ira totoo, insopan shen pasiya, ja inedibongbongan sha. Shaka pan‐itenengin pasiya sota toka pan‐ikowan ja esel nen Apo Shiyos,

San Lucas 8:23

Idi maramen ireka emanbediw, si Jesus, en na‐ogip. Idi na‐ogip, ebiglen kimedsang i shagem nodta baybay et eshogi‐an ja emankepno sota bangka ni shanom. Jet dilikaro may biyag sha.

San Lucas 8:33

Jet sota ira dimonyo, bimetik ira nodta too et pimeket ira nodta eshakel la keshel. Jet sota ira keshel, namtik iren nan‐ekas shima shepdas et dimened ira shi baybay.

San Juan 6:1

Idi enshiy bayag to, si Jesus, bimaliw shima baybay shi Galilia, ono sota kowan sha ey Tibirias, jet dimaw nodta shemang to.

Inpaspasing 27:2

Jet kami nandogan nodta barko ja edapod Adromito, ja manshedan shima ira istasjon shi kilig ni baybay shi probinsiya ni Asiya. Si Aristarko ja i‐Masidonia ja edapo alid Tisalonika, ekidaw son si‐kami.