San Lucas 8:11 - Dibshon Mengi-kan Ni Pansigshan

¹¹ “Say olog nonta arig ja inkowan ko la ey toon engiweshis ni botil shi oma, sajay. Sota botil, may‐eshig ey esel nen Apo Shiyos.

San Lucas 8:11 Iomraidhean Croise

San Mateo 13:18

“Itnengi jo ngarod i olog niya arig maypangkep nonta inkowan ko la ey en engiweshis ni botil shi oma.

San Mateo 13:19

No sota kompormin too ket itenengan to sota maypangkep ni pantoshayan nen Apo Shiyos, nem eg to eẃatan, ondaw ali si Satanas et dingdingen to sotan na intenengan to la. Sotan i kay‐eshigan nonta inkowan kon nayponta‐an ni botil ja shalan.

San Marcos 4:13

“I‐olog ko niman sota arig ga inkowan ko la. Nem nasshaawak tep eg jo shagos ineẃatan i olog to. No eg jo eẃatan iyay ya arig, toy pesing jo ngarod ja mengeẃat ni eshom ma arig?

San Lucas 8:12

Sota nayponta‐an ni botil ja shalan, si‐katoy kay‐eshigan nonta ira toon engitneng ni esel nen Apo Shiyos, nem ondaw ali si Satanas ja to dingdingen sota esel ja intenengan sha, say eg sha pati‐en, tan say eg ira maysedakan.

Santiago 1:21

Isonga ibi‐jag jon emin sota sigod ja pipiyan jon dag‐en ja ensekig ja eg jo pay laeng binediwan. Sota esel nen Apo Shiyos ja dimamot shi poso jo komay nemnemnemen jo ni olay, tep sotan i mebedin na onbaal so ni kaysedakanan jo. Ekombaba kayo komen on‐awat so ni esel to.