San Lucas 8:1 - Dibshon Mengi-kan Ni Pansigshan

¹ Enshiy bayag to, en nanpasiyal si Jesus shi emin na ili tan shima ira baryo, ja en nantoro ni mapteng nga shamag maypangkep ni pantoshayan nen Apo Shiyos. Sota sampolo tan showen too to, ekidaw ira son si‐kato.

San Lucas 8:1 Iomraidhean Croise

San Mateo 11:1

Idi naksheng nga intod‐an nen Jesus sota sampolo tan showa ja apostol to ja inbetkag ton en mengitosho, dimaw ngo nodta dogadogad ja nay‐esop nodtan ja en nantoro so nonta totoo nodtan.

San Mateo 13:19

No sota kompormin too ket itenengan to sota maypangkep ni pantoshayan nen Apo Shiyos, nem eg to eẃatan, ondaw ali si Satanas et dingdingen to sotan na intenengan to la. Sotan i kay‐eshigan nonta inkowan kon nayponta‐an ni botil ja shalan.

San Mateo 4:23

Si Jesus, pinasiyal ton emin i sakop ni Galilia, jet nantoro pay shima sa‐nopan ira nonta Hodiyos nodta dinadaẃan to. Inpaleẃag tod man sota mapteng nga shamag maypangkep ni pantoshayan nen Apo Shiyos. Jet angken sota ira toon ekalkalasiy sakit sha, inpamapteng to ira.

San Mateo 9:35

Jet si Jesus, pinasiyal ton emin sota siyodad tan eshom ma kawad‐an ni totoo. Nantoro pay shima sa‐nopan ira nonta Hodiyos, tan inpaleẃag to sota mapteng nga shamag maypangkep ni pantoshayan nen Apo Shiyos. Inpamapteng to pay ira sota totoon ekalkalasiy sakit sha.

San Marcos 1:39

Jet nan‐ak‐akad si Jesus shi ka‐ili‐ili ni Galilia, jet nantoro shi kebalbaley ya kesa‐nopi ni Hodiyos nodtan iren dogad ja dinaẃan to, jet inpabtik to pay i eshakel la dimonyon pimeket shi totoo.

San Lucas 1:80

Sota nga‐ngen si Juan, bima‐deg, tan enemneman. Idi ebadeg ma, nan‐iyan ni olay si Juan shima dogad ja naybetaw shi kad‐an ni too, ingkatod simabi sota akew wa pengitosho to nonta sigod ja inkowan nen Apo Shiyos ja itoro to nodta tood Israel.

San Lucas 20:1

Idi sakey ya akew, si Jesus, emantosho shi Timplo, tan emengikowan ni mapteng nga shamag ja toka itodtoro ni olay so nonta ira totoo. Jet nontan, sota apo ni papashi, mamaistoro ni dinteg ni Hodiyos, tan sota ira eshom ma pangolo ni Hodiyos, dimaw ngo ira di.

San Lucas 4:18

“Sota Ispirito Santo nen Apo Shiyos, ẃara son si‐kak. Shinotokan towak ja mengitosho ni mapteng nga shamag so ni nankebiteg. Inbetkag towak alin mengipedawag ni kaybodosan ira ni ebalod, say man‐esas iray nankekorab, tan inbetkag towak alin mengi‐kan ni pannam‐ayan ira ni toon kepedigata ni kait sha,

San Lucas 9:6

Jet sota ira too to, inekad shay eshakel la dogad ja sha intoro i esel nen Jesus, tan inpamapteng sha iray toon emanpansekit.

Inpaspasing 10:38

Jet amtayo met ey si Apo Shiyos, shinotokan tos Jesus ja i‐Nasarit ja si‐katoy pan‐iyanan ni Ispirito Santo to, tan in‐aknan to ni panakabalin to. Jet si Jesus, nan‐aka‐akad say en mandeka ni panmaptengan ni totoo, jet inpamapteng ton emin sota emanpansekit ja kepedigata nen Satanas, ta si Apo Shiyos, ẃara ni olay son si‐kato.

Inpaspasing 13:32

Si‐katoy kabol la kawasha‐an mi did jay, ta ikowan mi son si‐kayo i mapteng nga shamag, ey sota kari nen Apo Shiyos so nonta appo tayo da,

I-Roma 10:15

Jet enshi pay i toon en mengitosho, no eg ibetkag nen Apo Shiyos. Nem ẃara met i inbetkag ton en mengitosho. Si‐katoy kaytoshongan nonta naysolat nonta bayag da, ja kowan to ey, “No itenengan tayo diy shanapshap ni katin ira nonta mengitosho ni mapteng nga shamag, kitoka man‐imdeng.” Isonga ẃaray mebedin na memati.