San Lucas 7:47 - Dibshon Mengi-kan Ni Pansigshan

⁴⁷ Ta sota eshakel la basol to, binigbig to ey epakaẃanan; isonga sajay i inpasing to. Si‐katoy ka‐asan to ey ebadeg i semek to son si‐kak. Nem sota toon kowan to ey ootik i basol ton epakaẃanan, ootik ngoy semek to.”

San Lucas 7:47 Iomraidhean Croise

San Mateo 10:37

Sota pipiyan toy ameto, ono ineto nem say si‐kak, eg maykeshin took. Angken sota makapipiyan ni anak ton bii ono daki nem say si‐kak, eg maykeshi ngo ey took.

San Lucas 7:39

Sota Parisiyo ja engawis son Jesus, inon‐an to iyay et kowan to shorog shi nemnem to ey, “No podnon inbetkag nen Apo Shiyos iyay ya too, istay amta to koma iyay ya biin emirat son si‐kato, tan istay amta to komay ogadi ton ngaaw.”

San Lucas 7:46

Eg mo dinena‐an i toktok ko ni angken na edaken dana koma, nem si‐kato, insho‐jag tod sedik i emanseng‐ew ja danen palit.

San Lucas 7:48

Jet kowan nen Jesus so nonta bii ey, “Sota ira basol mo, epakaẃanan.”

Inpaspasing 5:31

Si Apo Shiyos, inpanbiyag tos Jesus, jet niman, inpansaad to; isonga ẃara shi apit ni kanawan nen Apo Shiyos, ja si‐katoy Pangolo tan Mengisedakan. Jet in‐aknan toy tood Israel ni ẃaya sha ja manbebawi, say omasen nen Apo Shiyos i basol sha.

I-Roma 5:20

Nonta nay‐awat sota bilin nonta bayag da son Moises, singa inparakel to et i basol ni too tep inamta‐an sha sota bilin nen Apo Shiyos, nem eg sha inbi‐jag sota shaka dagdag‐a ja ngaaw. Nem angken na emanba‐deg nontan i basol tan emankaiweshis, mas ebadbadeg ngo eshan i kaasi nen Apo Shiyos.

2 I-Korinto 5:14

Sota semek nen Cristoy emengitoshong son si‐kami, isonga aliẃen bakdang mi bengat i mika nemnemnema, angken ngarantoy dag‐en mi. Ebadeg i semek to son si‐katejo, isonga etey para so ni emin na totoo. Isonga mika kowinta‐a ey singa etey kiton emin et no sotan, eg mi nemnemen i pansigshan mi shorog. Jet aliẃen si‐kami bengat, no diket si‐katejon emin ja ẃara pay laeng shi biyag, aliẃen tayo nemnemen ma i pansigshan tayo shorog, no diket si Cristo i nemnemen tayo, ta etey maypangkep ni pansigshan tayo, nem nan‐ongal met laeng.

I-Galasia 5:6

Jet no memati kito son Cristo, say epateg bengat ja nemnemen tayo, sota pamati son si‐kato. Ta sotan na pamati, si‐katoy kedepo‐i ni semek. No sota maypangkep ni pengonod nonta bilin ni Hodiyos, enshiy to naykamitan shi pamati son Cristo.

I-Ipiso 6:24

Jet sapay koma ta kaasi‐an pay nen Apo Shiyos ja emin sota ẃara ni olay i semek to son Apo Jesucristo.

I-Pilipos 1:9

Jet say shawat ko son Apo Shiyos maypangkep son si‐kayo, mas ma‐shoman komay semek jo ni sakey tan sakey, tan metaksholan koma ni daing ja medepo son si‐kato met laeng, tan kosto komay pannemnem jo ni olay.

1 Timoteo 1:14

Jet ebadeg ga pasiyay tolong nen Apo Jesus son si‐kak, isonga eẃara‐anak ni semek tan pamati, ja inges to ngoy semek tan pamati ja eẃara nonta ira kait kon emati son Cristo Jesus.

1 San Juan 1:7

Nem no si Apo Shiyos komay onoran tayo ni olay, ja mapteng i tayoka pesing, kenshat ta ẃara ngoy mapteng nga pekikadẃa tayo ni sakey tan sakey, jet sota shala ni Anak ton si Jesus ja imayos shi koros, sotan i kaon‐omas so ni emin na basol tayo.

1 San Juan 3:18

Si‐kayon naka ikarin annak ko, say semek tayo koma shi kait tayo, aliẃen sota notnotnot ono esel bengat ja emedepod bongot, no diket mesepol la podnon semek ja ẃaray maykaasi shi eshom.

1 San Juan 4:19

Si Apo Shiyos i epangdon ẃaray semek to son si‐katejo, isonga ẃara ngoy semek tayo.

1 San Juan 5:3

Say ka‐asan ni semek tayo son Apo Shiyos, sota pemati tayo ni bilin to. Jet sajay ya bilin to, aliẃen edigat ta mepati,