San Lucas 7:41 - Dibshon Mengi-kan Ni Pansigshan

⁴¹ Jet inkowan nen Jesus i sakey ya arig, ja kowan to ey, “Waray showen too ja engotang nodta baknang. Sota sakey, dimen dasos i inotang to, jet sota sakey, dimen polo ngoy inotang to.

San Lucas 7:41 Iomraidhean Croise

San Mateo 18:28

Nem sotan na baga‐en, idi bimo‐day, inaspol to sota kait ton baga‐en ja engotang ngo son si‐kato ni otik ka pilak. Jet to inshel et sin‐el to, ja kowan to ey, ‘Bayshim niman sota inotang mo son si‐kak!’

San Mateo 6:12

Si‐kam i memekawan son si‐kami ni nanbasolan mi, ja inges toy mika pemekawan ni kait min too ja ẃaray nanbasolan sha son si‐kami.

San Marcos 6:37

Nem simongbat si Jesus ja kowan to ey, “I‐akniyo et ira ni kenen sha.” Kowan ma nonta too to ey, “Apay si‐kami aya i en menongkal ni kenen sha? Adipay banol ni showen dasos emoy kasto‐en mi!”

San Lucas 11:4

Si‐kam i memekawan son si‐kami ni nanbasolan mi, tep mika ngo pekawani sota ira nanbasol son si‐kami. Karam itolok koma ja manbesol kami, no diket si‐kam i mengiredan son si‐kami say eg kami manbesol.’ ”

San Lucas 12:48

Nem sota baga‐en ja eg to amtay piyan nonta apo ton dag‐en to, jet ẃaray dag‐en ton panbesolan to, engka‐jas i shosa to. Iyay i nemnemen jo koma. Sota toon ẃa‐ẃa‐shay nay‐akan son si‐kato, asdeg toy namnama‐en ni apo ton obda‐en to. Tan sota toon ebadbadeg i may‐eẃat son si‐kato, ebadbadeg ngoy songbatan to.

San Lucas 13:4

Asan say sakey pay, ngantoy kowan jo nonta sampolo tan ẃalon edisgrasiya shi Siloam ja etedteshan ja etey? Kowan jo mowan ey si‐katoy ka‐asan to ey ebadeg i basol sha nem say sota eshom ma tood Jerusalem?

San Lucas 7:40

Si Jesus, kowan to son si‐kato ey, “Simon, ẃaray ikowan ko son si‐kam.” Kowan nonta Parisiyo ey, “Ngantoy ikowan mo apo?”

San Lucas 7:47

Ta sota eshakel la basol to, binigbig to ey epakaẃanan; isonga sajay i inpasing to. Si‐katoy ka‐asan to ey ebadeg i semek to son si‐kak. Nem sota toon kowan to ey ootik i basol ton epakaẃanan, ootik ngoy semek to.”

I-Roma 3:23

Ta sapasap ja nanbasol i toon emin. Enshiy en pimosin engonod nonta kowan nen Apo Shiyos, isonga emin na too, araẃi ira nodta eshiyosan na ogadi ja istay piyan to komen dag‐en sha.

I-Roma 5:20

Nonta nay‐awat sota bilin nonta bayag da son Moises, singa inparakel to et i basol ni too tep inamta‐an sha sota bilin nen Apo Shiyos, nem eg sha inbi‐jag sota shaka dagdag‐a ja ngaaw. Nem angken na emanba‐deg nontan i basol tan emankaiweshis, mas ebadbadeg ngo eshan i kaasi nen Apo Shiyos.