San Lucas 7:24 - Dibshon Mengi-kan Ni Pansigshan

^24-26 Idi nay‐oli ira da sota inbetkag nen Juan, inkowan ma nen Jesus so nonta ira totoo i maypangkep so nen Juan, ja kowan to ey, “Nonta dimaw kayo so nen Juan shima dogad ja kad‐an ton nay‐araẃi shi ili, amtayo ey si‐kato ket para padto nen Apo Shiyos. Isonga dimaw kayod man ja en mengesas ni toon para padto nen Apo Shiyos, aliẃen say kayo mengesas ni toon ekapoy ja singa bolong ni edet ja enam‐ay ya iẃagas ni shagem. Aliẃa ngon say dinaẃan jod man ket say kayo mengesas ni toon nanbaro ni mapteng, ta say ka‐asan ira niyay ket shi siyodad ja engkakembaleg i baley sha, ja nam‐ay i biyag sha. Dimaw kayon en mengesas ni para padto et siya, inon‐an joy toon engatngato pay nem say sota eshom ma para padto nen Apo Shiyos.

San Lucas 7:24 Iomraidhean Croise

San Lucas 1:80

Sota nga‐ngen si Juan, bima‐deg, tan enemneman. Idi ebadeg ma, nan‐iyan ni olay si Juan shima dogad ja naybetaw shi kad‐an ni too, ingkatod simabi sota akew wa pengitosho to nonta sigod ja inkowan nen Apo Shiyos ja itoro to nodta tood Israel.

San Lucas 7:23

Si Apo Shiyos i onbindisiyon so nonta enshiy showashowa to son si‐kak.” Kowan nen Jesus so nonta inbetkag nen Juan.

San Juan 1:23

Si Juan, simongbat ja kowan to ey, “Si‐kak i kaytoshongan nonta padto nen Isaias nonta bayag da ja kowan to ey ẃara aliy toon ikeljaw toy esel to shima dogad ja nay‐araẃi shi ili, ja kowan to ey, ‘Pandeteg joy shalan na pan‐akshan nen Apo!’ ”

I-Ipiso 4:14

Aliẃen kito on‐onong koma ja singa nga‐nga ni olay, ja edaken i‐owapan ni toon matekal la mengi‐owap, ono edaken ma‐eẃis nem ẃaray badon toro. Sajay ya itsora, may‐eshig nodta barkon sini‐bok ni shagem, ja olay toy toshongen to.

2 San Pedro 2:17

Sajay iren totoon o‐owap i toro sha, enshiy jo kon‐oren son si‐kara, ta say kay‐eshigan sha, singa ba‐ẃek ira ja enshiy shanom to, ono singa sota kolpot ja pan‐itekjab bengat ni shagem ja enshiy to inegni‐an na oran. Jet sajay iren totoo, ẃaray insagana nen Apo Shiyos ja embolinget ta dogad ja keshosa‐an sha.

2 San Pedro 3:17

Jet niman ma, si‐kayon ensemek ko, insigod kon inkowan iyay son si‐kayo. Isonga pantanshaan kayo, ta baka et ey pati‐en jo sotan na o‐owap pa toro ira nonta eg memati ni koston bilin nen Apo Shiyos, nakol ni ibi‐jag jo sota pamatiyo ja naynadnaran jo niman.