San Lucas 7:23 - Dibshon Mengi-kan Ni Pansigshan

²³ Si Apo Shiyos i onbindisiyon so nonta enshiy showashowa to son si‐kak.” Kowan nen Jesus so nonta inbetkag nen Juan.

San Lucas 7:23 Iomraidhean Croise

San Mateo 11:6

Si Apo Shiyos i onbindisiyon so nonta enshiy showashowa to son si‐kak.” Kowan nen Jesus so nonta ira inbetkag nen Juan.

San Lucas 2:34

Jet kowan pay nen Simeon ey, “Si Apo Shiyos i onbindisiyon son si‐kayo. Jet iyay i ikowan ko son si‐kam ja ina niya nga‐nga. Sajay ya nga‐nga, shinotokan nen Apo Shiyos et si‐katoy panshoki‐an ni pandilinasin ira ni tood Israel. Eshakel i mengokes son si‐kato, tan eshakel ngoy memati son si‐kato ni pansigshan sha, tep idawdawag toy ngaaw wa nemnem ni eshakel la too. Maydesin ey ẃara son si‐kato si Apo Shiyos, nem bedawen ni eshom. Jet si‐kam ja ineto, sajay ya ibalaw sha di son si‐kato, si‐katoy kesekitan ni posom.”

San Lucas 7:22

Isonga say songbat nen Jesus so nonta ira toon inbetkag nen Juan, kowan to ey, “Kay‐oli kayo jet ikowan jo so nen Juan sota inon‐an jo tan intenengan jo ni kawasha jod jay. Ikowan jo ey sota ira nankekorab nan‐asas ira, sota ira nankepilay nan‐akad ira, sota nankebayang i bakdang sha mimapteng ira, sota ira nanketoleng nanteneng, sota eshom ma nanketey nanpawil ira, tan sota ira nankebiteg naytoro son si‐kara i mapteng nga shamag maypangkep son Apo Shiyos.

San Lucas 7:24

Idi nay‐oli ira da sota inbetkag nen Juan, inkowan ma nen Jesus so nonta ira totoo i maypangkep so nen Juan, ja kowan to ey, “Nonta dimaw kayo so nen Juan shima dogad ja kad‐an ton nay‐araẃi shi ili, amtayo ey si‐kato ket para padto nen Apo Shiyos. Isonga dimaw kayod man ja en mengesas ni toon para padto nen Apo Shiyos, aliẃen say kayo mengesas ni toon ekapoy ja singa bolong ni edet ja enam‐ay ya iẃagas ni shagem. Aliẃa ngon say dinaẃan jod man ket say kayo mengesas ni toon nanbaro ni mapteng, ta say ka‐asan ira niyay ket shi siyodad ja engkakembaleg i baley sha, ja nam‐ay i biyag sha. Dimaw kayon en mengesas ni para padto et siya, inon‐an joy toon engatngato pay nem say sota eshom ma para padto nen Apo Shiyos.

1 I-Korinto 2:14

Nem sota toon eg emati, enshi son si‐kara sota Ispirito Santo, isonga eg sha eẃatan sota kaitoro ni Ispirito Santo nen Apo Shiyos, ta kowan sha ey enshiy silbi to kono son si‐kara. Eg mebedin na eẃatan sha tep no enshiy Ispirito Santo so ni too, eg ma‐eẃatan tep sota Ispirito Santoy mengi‐odog so.