San Lucas 7:16 - Dibshon Mengi-kan Ni Pansigshan

¹⁶ Emin ira sota engasas, nasshaaw ira, tan inshayaw shes Apo Shiyos ja kowan sha ey, “Niman ẃara may engaton para padto ja naydaok son si‐katejo!” Tan kowan sha pay ey, “Si Apo Shiyos, dimaw alin mengisedakan ni too to!”

San Lucas 7:16 Iomraidhean Croise

San Mateo 15:31

Jet sota ira eshakel la totoo, nasshaaw ira nonta in‐asas sha so ey nan‐esel ira sota istay eg maka‐esel, nan‐akad ira sota istay epilay, tan angken sota ira ekorab, nan‐asas ira. Jet kowan sha ey, “Agpayso gayam noman na manakabalin i Shiyos ni Hodiyos!”

San Mateo 21:11

Jet sota ira totoo ja nay‐olop son si‐kato, kowan sha ey, “Sajay sota para padto nen Apo Shiyos ja si Jesus i ngaran to. Too did Nasarit ja sakop ni Galilia!”

San Mateo 28:8

Jet nontan met laeng, indekjas ira nonta bibiin shagos sota diyang, jet nanbetik iren sha ikowan so nonta ira too nen Jesus. Ireka mankel‐ew, nem ebadeg ngoy imdeng sha nonta ireka mandaw.

San Mateo 9:8

Idi inon‐an ira nonta totoo sotan na edaga, naykel‐eẃan ira, nem inshayaw shes Apo Shiyos, tep ineẃatan sha ey panakabalin nen Apo Shiyos gayam sotan na inon‐an shen edaga ja inpiyal nen Apo Shiyos so ni kait shen too.

San Lucas 1:65

Jet emin ira sota inaskang sha, ẃaray dinmoren na‐ap‐apil la na‐amag. Jet nayẃaris iyay ya shamag shi emin na nanbaley shima shonshontog shi Jodia.

San Lucas 1:68

“Salamat son Apo Shiyos, ja Shiyos ni Israel! Tep eg tokito binaybay‐an, asan si‐katoy mengisedakan son si‐katejon totoo to!

San Lucas 19:44

Sheshalen shen oltimoy siyodad jon Jerusalem, tan angken si‐kayo ngon too ja ẃared jay. Angken sakey ya bato, eg sha bay‐an na on‐onong shi sigod ja nay‐amagan to. Emin iyay, mepesamak son si‐kayo tep eg jo indasin iya timpon kowan nen Apo Shiyos ja kaysedakan jo!”

San Lucas 2:20

Imoli ira sota emanpastol ni kalniro, ja ebadeg i iyaman sha so nen Apo Shiyos maypangkep nonta emin na intenengan sha, tan inon‐an sha, tep etongpal sota inkowan ni anghil son si‐kara.

San Lucas 24:19

Jet inbag‐an ira nen Jesus ja kowan sha ey, “Ngarantoy epasemak?” Simongbat ira ey, “Waray toon inbetkag ali nen Apo Shiyos: si Jesus i ngaran to ja i‐Nasarit. Emin na totoo, kowan sha ey enshiy maka‐inges son si‐kato ni toka itoro tan toka dagdag‐a. Angken si Apo Shiyos, inges to emo ngoy kowan to pangkep son si‐kato.

San Lucas 5:26

Emin ira sota totoo, nasshaaw ira tan naykel‐eẃan ira, nem inshayaw sha met laeng si Apo Shiyos, ja kowan sha ey, “Kaskasshaaw iyay ya inon‐an tayo niman.”

San Lucas 5:8

Idi inon‐an nen Simon Pedro iyay, nantalimokod shi sango‐an nen Jesus, jet kowan to ey, “Ilekjas mowak Apo, ta si‐kak, eshakel i basol kon too!”

San Lucas 7:15

Jet sota etey ja too, ebiyag mowan! Bimangon et imesel, jet say kowan nen Jesus so nonta ineto, “Olop mo iya anak mo.”

San Lucas 7:39

Sota Parisiyo ja engawis son Jesus, inon‐an to iyay et kowan to shorog shi nemnem to ey, “No podnon inbetkag nen Apo Shiyos iyay ya too, istay amta to koma iyay ya biin emirat son si‐kato, tan istay amta to komay ogadi ton ngaaw.”

San Lucas 8:37

Jet emin ira sota i‐Girgasa, kowan sha son Jesus ey no mebedin koma, idekjas to ira, ta epaladoy takot sha. Isonga si Jesus, nandogan shi bangka ja onda‐jat ma.

San Lucas 9:19

Jet sota ira too to, simongbat ira ja kowan sha ey, “Eg met nan‐i‐inges i shaka ikowan. Say kowan ni eshom, si‐kam kono si Juan ja para bonjag ja etey da, nem sota ira eshom, kowan sha ey si‐kam si Elias ono sakey so nonta ira eshom ma para padto nonta bayag da ja nanbiyag mowan ali shi patey.”

San Juan 1:21

Insho‐petan sha pay ja kowan sha ey, “Jet sipa ka ngarod? Si‐kam sota naypadton ondaw ali ja maykadẃen idaw ali nen Elias?” Say songbat nen Juan, “Enshi, aliẃen si‐kak.” Jet kowan sha mowan son si‐kato ey, “No kasta, si‐kam ali sota para padton tayoka sesseskeren ibetkag ali nen Apo Shiyos?” Simongbat si Juan ja kowan to mowan ey, “Aliẃen si‐kak.”

San Juan 1:25

kowan sha pay so nen Juan ey, “Apay ngarod nga kaka memonjag, no aliẃen si‐kam sota naypadton ibetkag ali nen Apo Shiyos, ono sota mengibengon son Elias, ono sota para padton tayoka sesseskera ja ondaw ali?”

San Juan 4:19

Jet sota bii, kowan to ey, “Apo, naka eẃati ma ey si‐kam, para padto ka gayam nen Apo Shiyos.

San Juan 6:14

Sota ira totoo, idi inon‐an sha iyay ya dingka nen Jesus, ja inpara‐kel to sota mekan, nasshaaw ira, jet kowan sha ey, “Kinapodpodno to ey sajay sota para padto ja inpadtora nonta bayag da ey ondaw alid ja dobong.”

San Juan 9:17

Isonga sota ira Parisiyo, inbag‐an sha mowan iya toon istay ekorab, ja kowan sha ey, “Si‐kam ma istay ekorab, ngantoy moka pannemnem pangkep son si‐kato? Tep si‐katoy inpan‐asas son si‐kam.” Simongbat iya toon istay ekorab, ja kowan to ey, “Sotan na too, say kowan ko, para padto nen Apo Shiyos.”

Inpaspasing 5:5

Idi intenengan nen Ananias iyay den inkowan nen Pedro son si‐kato, ebiglen eto‐dang et etey. Jet emin sota enamag niyay ya epasemak, timakot iren pasiya.

Inpaspasing 7:37

Jet si‐kato met laeng sota si Moises ja engipadto so ni toon i‐Israel ey, ‘Waray ibetkag ali nen Apo Shiyos son si‐kayo ja mengikowan ni esel ton mismo, ja inges toy inpangibetkag to son si‐kak. Si‐katoy sakey ya poli tayo di.’

I-Galasia 1:24

Isonga si Apo Shiyos i inshayaw sha ni sajay ya shinemag sha maypangkep son si‐kak.