San Lucas 6:48 - Dibshon Mengi-kan Ni Pansigshan

⁴⁸ may‐eshig shi toon engitowen ni baley tod naypilmin bato. Kinaotan toy naydeshek et intowen toy tokod to nodtan na naypilmin bato. Idi nandayos ali ni makedsang, nanshalan nodta baley, nem eg to tinowang, tep na‐det i naytowenan nonta tokod to.

San Lucas 6:48 Iomraidhean Croise

San Lucas 6:47

Emin ira sota ondaw alin piyan ton manbedin ni took, no itenengan toy esel ko, tan pati‐en to,

San Lucas 6:49

Nem sota toon intenengan toy kowan ko, nem eg to pati‐en, may‐eshig shi toon engitowen ni baley tod bo‐day ja enshiy naytowenan ni tokod ton na‐det ta bato. Idi nandayos ali, nanshalan nodta baley i shanom jet shinepos ton shagos jet kolpin epilshi sota baley.”

San Juan 16:33

Insigod kon inkowan iyay son si‐kayo, say meẃad‐an kayo nonta talna ja edapo son si‐kak. Shiya dobong, pedigaten shakejo, nem karekayo manshanag, ta si‐kak ngoreshan i emengebak ni olay, aliẃen sota toon eg memati son si‐kak!”

Inpaspasing 14:22

Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”

I-Ipiso 2:20

Si‐katejon too nen Apo Shiyos, may‐eshig kitod baley ya naypilmid na‐det ta bato. Say arig nonta na‐det ta bato ja naypilmi‐an tayo, sota intoro ira nonta apostol, tan para padto. Si Cristo Jesus i singa enapaja nonta baton naysaashan tayo, jet emin son si‐katejon emati son Apo Jesus, singa nanmomongsan kitejo ngo son si‐kato. Jet no anongosto ma, singa manbedin ni Timplo nen Apo Shiyos.

2 Timoteo 2:19

Nem eg mebedinan ni toon sa‐datan i pamati son Cristo, ta si Apo Shiyos, innadnad ton pilmi. Singa naypilmi sota pamati nodta bato ja naysolatan niya kowan to ey, “Si Apo Shiyos, amta to sota ira too to.” Tan ẃara pay i naysolat ja kowan to pay ey, “Emin sota emati ni ngaran nen Apo, mesepol la eshawi‐an sha sota aramid ja ngaaw ja eg sha dagdag‐en.”

2 San Pedro 1:10

Isonga si‐kayon a‐akik shi pamati, enshiy panshowashowa‐an jo ey pinidi shakejo nen Apo Shiyos ja manbedin ni too to, nem mesepol la dag‐en jon emin i kabaalan jon mengi‐nam ni ogadiyo nodta pinidi‐an shakejo so. Ta no sajay ya ogadin inkowan ko la ket si‐katoy dag‐en jo, ẃara kayo son Apo Shiyos ni olay ja eg kayo maysi‐jan son si‐kato ingkatod ingka.

1 San Juan 2:28

Niman si‐kayon naka ikarin annak ko, mesepol la si Cristoy pengipilmi‐an jo so ni nemnem jo, say no onsabi ali sota timpo ja imotok to, eg kito mebebaingan ja singa onkesen shi sango‐an to.

San Judas 1:24

Si Apo Shiyos bengat i makabaal ja mengitoshong son si‐kayo, say enshiy jo pankodangan ja kaybebaingan jo ingkatod onsabi kayo son si‐kato shima kawad‐an tod dangit. Jet ebadeg i imdeng jo no onsabi kayod man.