San Lucas 6:41 - Dibshon Mengi-kan Ni Pansigshan

⁴¹ In‐arigan to pay ira ja kowan to ey, “Apay nga sota ootik ka naybosi shi mata ni kait mo i moka iningning, ey si‐kam ma mismo ket eg mo nemnemen ey ebadeg i naypadkal shi matam?

San Lucas 6:41 Iomraidhean Croise

San Mateo 7:1

“Karejo nemnemen i nankamali‐an ni eshom ja si‐katoy pengikowanan jo ma ey ngaaw ira, say eg ngo ikowan nen Apo Shiyos ey ngaaw kayo.

San Marcos 8:7

Jet ẃara pay i piskaw, nem aliẃen eshakel. Nan‐iyaman mowan si Jesus son Apo Shiyos, jet inkowan to so ira nonta too to ey iẃaris sha ngo sota piskaw so ira nonta eshakel la totoo.

San Lucas 6:40

Waray nandasinan nonta maistoro nem say sota man‐ashal, jet sota man‐ashal, toka onoray kaitoro ni maistoro. Jet no meksheng may ashal to, man‐inges ira ma nonta maistoro.”

San Lucas 6:42

Na‐alas ja mo ikowan so ni kait mo ey a‐kalen mo sota naybosi shi mateto, ey si‐kam ket ebadeg i naypadkal shi matam ma shorog. Ngaaw ita moka pesing ja moka idibak i ngaaw wa nemnem mo! Ekal mo nin sota mismon naypadkal shi matam say kosto may pan‐esas mo, et say asen mo men pasiya sota a‐kalen mon naybosi shi mata ni kait mo.

San Juan 8:7

Jet nonta nanjemeg si Jesus shi bo‐day, ememasig ira sota Parisiyo ni salodsod son si‐kato. Jet si Jesus imekẃas jet kowan to son si‐kara ey, “No sipa son si‐kayo i polos sa eg nanbasbasol, si‐katoy mengirokin mengespig nita bii.”

I-Roma 2:1

Say inkowan ko la, sajay. Sota toon ẃaray basol to, anam ton meshosa. No sota mengitneng niyay ket kowan to ey epalado noman i basol ni eshom, ja eg to ida‐kam i bakdang to, enshi met laeng i to idason son Apo Shiyos, ta singa bakdang to met laeng i toka panshoyshoya nontan na kowan to ey basol ni eshom. Ta iso met laeng ja nan‐inges i aramid shen ngaaw. Jet amta tayo ey sota showen toon nan‐inges i basol sha, nan‐inges met laeng nga shosa‐en nen Apo Shiyos iren showa, angken ngantoy katoora.

Santiago 1:24

no maramen toka binbinbina i bakdang to nodta ispiko, amta toy itsora to, nem no taynan to sota ispiko, dibkan ton shagos i ka‐it‐itsora ton too.