San Lucas 6:30 - Dibshon Mengi-kan Ni Pansigshan

³⁰ No ẃaray manbeka son si‐kam, i‐kan mo son si‐kara i piyan sha. Tan no ẃaray indaren kokowam, angken eg mo en odi‐en.

San Lucas 6:30 Iomraidhean Croise

San Mateo 18:35

“Sajay i arig ni kepesing nen Amak shi dangit son si‐kayo no eg jo pekawanan sota kait jo ja manbesol son si‐kayo. Jet mesepol pay ya podnoy pesing jon memekawan.” Kowan nen Jesus.

San Mateo 5:39

Nem say ikowan ko son si‐kayo, no ẃaray makedsel, aliẃen kayo mekibekal son si‐kara. No bilang ey ẃaray menengpel ni kanawan na tamil mo, itodok mo pay ya angken pinshowa‐en tod piig.

San Mateo 6:12

Si‐kam i memekawan son si‐kami ni nanbasolan mi, ja inges toy mika pemekawan ni kait min too ja ẃaray nanbasolan sha son si‐kami.

San Lucas 11:41

No shi ebiteg komay joka pengi‐kani ni ẃara son si‐kayo, mapteng may emin na ẃared poso jo.

San Lucas 12:33

Ilekoyoy kokowayo et sota pandeko‐an jo, i‐kan jo so nonta totoon makasapol. Sotan i koston pesing nga mengolnong ni kokowa shi dangit ja eg mepilshi. Shiman, enshiy mengibot so, tan angken sota baro, enshiy bigis sa onsharal so.

San Lucas 18:22

Idi intenengan nen Jesus iyay, kowan to ey, “Wara pay laeng i sakey ya kolang mo. Ilekom ira sota kokowam et sota dako to, iweshis mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

San Lucas 6:29

No ẃaray menengpel ni tamil mo, itodok mo pay ya angken pinshowa‐en tod piig. No ẃaray mengeda ni jakit mo, itodok mo pay ya angken al‐en toy barom.

San Lucas 6:31

Sota piyan jon pesing ni eshom son si‐kayo, si‐kato ngoy pesing jo son si‐kara.

San Lucas 6:38

I‐akniyo iray eshom et si Apo Shiyos i mengi‐kan ngo son si‐kayo. Sota karakel ni joka i‐akan, si‐kato ngoy karakel ni i‐akan nen Apo Shiyos son si‐kayo. Nem i‐aknan tokejo ni sobda, ja angken iteded jo tan itelneg jo, onja‐bis pay ali shi sango jo.”

Inpaspasing 20:35

Emin iyay, dingkak say ẃaray onoran jon mapteng nga pesing, ta mesepol la man‐obda kiton pasiya, say metodongan i eg maka‐obda. Nemnemnem jo sota kowan nen Apo Jesus, ja kowan to ey, ‘Ebadbadeg i imdeng nonta mengi‐kan ey say sota mengeẃat.’ ”

2 I-Korinto 8:9

Eg mesepol la piditen takejo ta amtayo met sota maypangkep ni kaasi nen Jesucristo ja Apo tayo. Si‐kato, baknang nontan da shi dangit, nem inbaba toy bakdang to ja nanbalin ni ebiteg kabol ni pansigshan jo. Jet niman ma, si‐kayoy may‐eshig ey baknang.

I-Ipiso 4:28

No ẃaray makibot ja naykait son si‐kayo, ibi‐jag to komen mengibot. Man‐obda et koma ni kosto say makatolong so nonta ira makasapol ni tolong.